ମୋଟରସାଇକେଲ୍ ସହ ଅଟୋ ଧକ୍କା ; ଅଟୋଚାଳକଙ୍କ ସମେତ ଚାରି ଆହତ

ବେଲଗୁଣ୍ଠା, 14/10,ବେଲଗୁଣ୍ଠା ଥାନା ଅନ୍ତର୍ଗତ ଟିକରପଡା ନିକଟରେ ବେଲଗୁଣ୍ଠା-ବୁଗୁଡ଼ା ରାସ୍ତାରେ ସନ୍ଧ୍ୟା ପାଞ୍ଚ ଘଣ୍ଟା ତିରିଶି ମିନଟ୍ ସମୟରେ ଏକ ମୋଟରସାଇକେଲ୍ ଏବଂ ଅଟୋ ପରସ୍ପର ଧକ୍କା ହେବା ଫଳରେ ଅଟୋଟି ଓଲଟି ପଡ଼ିଥିଲା I ଏଥିରେ ଅଟୋଚାଳକଙ୍କ ସମେତ ଅଟୋରେ ବସିଥିବା ଦୁଇ ଯାତ୍ରୀ ଏବଂ ମୋଟରସାଇକେଲ୍ ଚାଳକ ଆହତ ହୋଇ ବେଲଗୁଣ୍ଠା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି I ମୋଟରସାଇକେଲ୍ ଚାଳକ ଜଣଙ୍କ ହେଲେ ପାଣି କୋଇଲି ଅଞ୍ଚଳର ରାକେଶ ଗୌଡ଼ (27) I ସେ ଏକ ପଲ୍ସର୍ ବାଇକ୍ ରେ ବେଲଗୁଣ୍ଠାରୁ ନିଜ ସମ୍ପର୍କୀୟ ଗୁଡ଼ିପଦର ଗ୍ରାମକୁ ଯାଉଥିଲେ I ସେହି ସମୟରେ ବାହାଡ଼ାପଦର ଗ୍ରାମର ରଘୁନାଥ ବାଡତ୍ଯା (54)ନିଜ ଅଟୋରେ ଦୁଇଜଣ ଯାତ୍ରୀଙ୍କୁ ଧରି ବୁଗୁଡାରୁ ଭଞ୍ଜନଗର ଅଭିମୁଖେ ଆସୁଥିଲେ I ସ୍ଥାନୀୟ ପ୍ରତ୍ୟେକ୍ଷଦର୍ଶୀଙ୍କ କହିବା ପ୍ରକାରେ ମୋଟରସାଇକେଲ୍ ଟି ଦ୍ରୁତ ଗତିରେ ଆସି ଅଟୋକୁ ଧକ୍କା ଦେଇଥିଲା I ଫଳରେ ଅଟୋଟି ଭାରସାମ୍ୟ ହରାଇ ଓଲଟି ପଡ଼ିଥିଲା I ଏଥିରେ ଅଟୋଚାଳକ ରଘୁନାଥଙ୍କ ସହ ମୋଟରସାଇକେଲ୍ ଚାଳକ ରାକେଶ ଏବଂ ଅଟୋରେ ବସିଥିବା ଦୁଇ ଜଣ ଯାତ୍ରୀ ଆହତ ହୋଇଥିଲେ I ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ବେଲଗୁଣ୍ଠା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ I ଖବର ପାଇ ବେଲଗୁଣ୍ଠା ପୋଲିସ୍ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚି ଘଟଣାର ତଦନ୍ତ କରୁଛି I