ରଜପର୍ବ ମହୋତ୍ସବ ପାଳିତ

ଜୟପୁର,୧୪।୬ ( ନି ପ୍ର )ଓଡିଶା ର ପ୍ରମୁଖ ପର୍ବ ରଜପର୍ବ ଜୟପୁର ସ୍ଥାନୀୟ ଲେକ୍ ପ୍ଲେସିଡ୍ କଲ୍ୟାଣ ମଣ୍ଡପ ଠାରେ ରଙ୍ଗାମାଟି ସ୍ବେଛାସେବୀ ସଂଗଠନ ତରଫରୁ ପାଳିତ ହୋଇଯାଇଛି । ରଙ୍ଗମାଟି ସଂଗଠନ ର ସଭାପତି ଶ୍ରୀମତୀ ଶୁଭଶ୍ରୀ ବେହେରା ଙ୍କ ଦ୍ୱାରା ୧୪,୧୫,୧୬ ତିନି ଦିନ ଧରି ଆୟୋଜିତ କାର୍ଯ୍ୟକ୍ରମ ରେ ମହିଳା ଏବଂ ଛୋଟ ଛୋଟ ଛୁଆ ମାନଙ୍କୁ ନେଇ ରଜ ପ୍ରତିଯୋଗିତା ର କାର୍ଯ୍ୟକ୍ରମ ଚାଲୁ ରହିଥିବା ବେଳେ ଆଜି ପ୍ରଥମ ଦିନ ଏହି ପ୍ରତିଯୋଗିତା ରେ ବିଭିନ୍ନ ପ୍ରକାର ଫେନ୍ସି ଡ୍ରେସ୍, କୁଇଜ୍ ଏବଂ ବୁକେଟ୍ ଗେମ୍ ର ପ୍ରତିଯୋଗିତା ହୋଇଥିଲା । ଏଥିରେ ୨୦ ଜଣ ମହିଳା ଏବଂ ୫୦ ଜଣ ଛୁଆ ଭାଗ ନେଇଥିଲେ। ଆସନ୍ତାକାଲି ଡ୍ରଇଂ, ମେହେନ୍ଦି, ରଜପୁଚି, ଖେଳାଯିବ, ଶେଷ ଦିନ ରଙ୍ଗୋଲି, ଓ ପିଠା, ଖେଳାଯିବାକୁ ନେଇ ସୂଚୀ ପ୍ରସ୍ତୁତି କରାଯାଇଛି । ଏହି ପ୍ରତିଯୋଗିତା ର ଶେଷ ଦିନ ମୁଖ୍ୟ ଅତିଥି ମାନଙ୍କ ଦ୍ୱାରା ରଜ ପ୍ରତିଯୋଗିତା ରେ ବିଜୟୀ ଲାଭ କରିଥିବା ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରାଯିବ । ଆଜିର ଏହି କାର୍ଯ୍ୟକ୍ରମ ରେ ରଙ୍ଗମାଟି ସଂଗଠନ ର ସମସ୍ତ ସଦସ୍ୟା ମାନେ ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ ।
କୋରାପୁଟ ଜ଼ିଲ୍ଲା ପ୍ରତିନିଧି ଶ୍ରୀ ହରିଶ କୁମାର ପଟ୍ଟନାୟକ ଙ୍କ ରିପୋର୍ଟ ନି ଉ ସ ଉପାନ୍ତ ଓଡିଶା