ସେକ୍ଟର ସ୍ତରୀୟ ପୋଷଣ ପଖଓ୍ବାଡା କାର୍ଯ୍ୟକ୍ରମ

                                               ବୁଗୁଡା : ତା ୧୪/୦୩/୨୪ : ସ୍ଥାନୀୟ ଓ୍ବାର୍ଡ ନଂ-୧୨ ଅଙ୍ଗନଓ୍ବାଡି କେନ୍ଦ୍ର ପରିସରରେ ଏନ୍ଏସି ସେକ୍ଟର ସ୍ତରୀୟ ପୋଷଣ ପଖଓ୍ବାଡା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସିଡିପିଓ ବବିତା କୁମାରୀ ପଣ୍ଡାଙ୍କ ପୌରହିତ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ ଓ ସମ୍ମାନିତ ଅତିଥି ଭାବେ କାଉନସିଲର ପିଙ୍କି ନାହାକ ଯୋଗ ଦେଇଥିଲେ । ଏ ଅବସରରେ ଶିଶୁଙ୍କ ଯତ୍ନ ସାଙ୍ଗକୁ ସେମାନଙ୍କୁ ଉପଯୁକ୍ତ ପୋଷଣ ଯୋଗାଣ ଏବଂ ମାଆମାନେ ଆବଶ୍ୟକୀୟ ପୋଷଣଯୁକ୍ତ ସୁଷମ ଖାଦ୍ୟ ଗ୍ରହଣ ସମ୍ପର୍କରେ ଆଲୋକପାତ କରାଯାଇଥିଲା । ଅନ୍ଯପକ୍ଷରେ ସେଠାରେ ବିଭିନ୍ନ ପୋଷଣଯୁକ୍ତ ଖାଦ୍ୟ ସାମଗ୍ରୀର ପ୍ରଦର୍ଶନୀ ଆୟୋଜିତ ହୋଇଥିଲା ବେଳେ ଏକ ସଚେତନତା ଶୋଭାଯାତ୍ରା ମଧ୍ୟ ବାହାର କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ଅଞ୍ଚଳ ପରିଦର୍ଶିକା ଜି.ରଶ୍ମି ପରିଚାଳନା କରିଥିବା ବେଳେ ଏଥିରେ ଏନ୍ଏସି ସେକ୍ଟର ଅନ୍ତର୍ଗତ ୧୮ଟି ଅଙ୍ଗନଓ୍ବାଡି କେନ୍ଦ୍ରର କର୍ମୀ ଏବଂ ନିଜ ନିଜର ଶିଶୁଙ୍କ ସହିତ ମାଆମାନେ ଉପସ୍ଥିତ ରହିଥିଲେ । ପରିଶେଷରେ ଅଙ୍ଗନୱାଡି କର୍ମୀ ଅନିତା କୁମାରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ।