ବଦଳିଲେ ଗୁଣୁପୁର ପୌର ନିର୍ବାହୀ ଅଧିକାରୀ

ଗୁଣୁପୁର,-(ସୁରେନ୍ଦ୍ର ମହାନ୍ତି )ରାୟଗଡା ଜିଲ୍ଲା ଗୁଣୁପୁର ପୌର ପରିଷଦ ନିର୍ବାହୀ ଅଧିକାରୀ ଭାବେ ରାଜ୍ୟ ସରକାର ସ୍ୱସ୍ତିକ ଜମାଦର ଙ୍କୁ ନୂଆ ନିଯୁକ୍ତ କରିଥିବା ବିଜ୍ଞପ୍ତି ପ୍ରକାଶ ପାଇଛି । ଏଠାରେ କାର୍ଯ୍ୟରତ ନିର୍ବାହୀ ଅଧିକାରୀ ଙ୍କୁ କେଉଁଠି ବଦଳି ହୋଇଛି ଉଲ୍ଲେଖ କରାଯାଇନାହିଁ । ନୂଆ ନିଯୁକ୍ତ ପାଇଥିବା ଅଧିକାରୀ ଜଣକ ପୂର୍ବରୁ କୁନ୍ଦୁରା ବିଡିଓ ଓ କୋରାପୁଟ ପୌର ପରିଷଦ ନିର୍ବାହୀ ଅଧିକାରୀ ଭାବେ କାର୍ଯ୍ୟ କରୁଥିବା ଜଣାପଡିଛି । ତେବେ ଗତ କିଛି ମାସ ଧରି ଗୁଣୁପୁର ପୌର ପରିଷଦ ଟେଣ୍ଡର କାରବାରକୁ ନେଇ ଅସନ୍ତୋଷ ଓ କଥା ହାଇକୋର୍ଟ ଯାଏଁ ଯାଇଥିବା ଓ ଅନ୍ୟାନ୍ୟ ଆନୁଷଙ୍ଗିକ ଘଟଣା କୁ ନେଇ ଟଣାଓଟରା ପରିସ୍ଥିତି ଲାଗି ରହିଥିବା ବେଳେ ଏପରି ହଠାତ ବଦଳି ଚର୍ଚ୍ଚା କୁ ବଢ଼େଇ ଦେଇଛି ।