ଶିଶୁ ଶିକ୍ଷାନୁଷ୍ଠାନ କିଡ୍ସ ହୋମ ପବ୍ଲିକ୍ ସ୍କୁଲ୍ ର ବାଇଶ ତମ ବାର୍ଷିକ ଉତ୍ସବ-2024 ଅନ୍ନପୂର୍ଣା ରଙ୍ଗମଞ୍ଚ ଠାରେ ଅନୁଷ୍ଠିତ ହୋଇଯାଇଛି

                                                                                                                                                                                            ଶିଶୁ ଶିକ୍ଷାନୁଷ୍ଠାନ କିଡ୍ସ ହୋମ ପବ୍ଲିକ୍ ସ୍କୁଲ୍ ର ବାଇଶ ତମ ବାର୍ଷିକ ଉତ୍ସବ-2024 ଅନ୍ନପୂର୍ଣା ରଙ୍ଗମଞ୍ଚ ଠାରେ ଅନୁଷ୍ଠିତ ହୋଇଯାଇଛି I ଏଥିରେ ବିଧାୟକ ଜୟନ୍ତ କୁମାର ଷଡଙ୍ଗୀ, ଓଡିଶା ମୋ ପରିବାର ର ଜିଲ୍ଲା ସଂଯୋଜକ ସୁଭାସିସ ଖୁଣ୍ଟିଆ ଏବଂ ବିଜୁ ପଟ୍ଟନାୟକ ବିଜ୍ଞାନ ଓ ଶିକ୍ଷା ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ନମିତା ଶତପଥୀ ପ୍ରମୁଖ ଅତିଥି ଭାବେ ଯୋଗଦେଇ ପିଲାମାନଙ୍କୁ ଉଦ୍ ବୋଧନ ମାଧ୍ୟମରେ ବିଦ୍ୟା ହେଉଛି ଦୁନିଆର ଶ୍ରେଷ୍ଠ ବିଭୂତି I ଏହି ବିଦ୍ୟାଳୟ ରୁ ଛାତ୍ରଛାତ୍ରୀମାନେ ତାଙ୍କର ଆଗାମୀ ଭବିଷ୍ୟତ ଗଢ଼ି ତୋଳିବେ I ଅଭିଭାବକ ମାନେ ଶିଶୁଙ୍କ ମାନସିକ,ଶାରୀରିକ,ବୌଦ୍ଧିକ ଏବଂ ପ୍ରାଥମିକ ଶିକ୍ଷା ଉପରେ ଗୁରୁତ୍ବ ଦେବାକୁ ପରାମର୍ଶ ଦେଇଥିଲେ I ଅନୁଷ୍ଠାନର ପରିଚାଳନା କମିଟି ସଭାପତି ସାହିତ୍ୟିକ ଶ୍ୟାମ ପ୍ରକାଶ ସେନାପତି ଏଥିରେ ସଭାପତିତ୍ୱ କରିଥିଲେ I ଅଧ୍ୟକ୍ଷା ରୂପାଲି ଚାନ୍ଦ ସ୍ଵାଗତ ଭାଷଣ ପ୍ରଦାନ ସହ ବାର୍ଷିକ ବିବରଣୀ ଉପସ୍ଥାପନ କରିଥିଲେ I ଏହି ଅବସରରେ ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତା ର କୃତି ଛାତ୍ରଛାତ୍ରୀ ମାନଙ୍କୁ ପ୍ରଶଂସା ପତ୍ର ଓ ଟ୍ରଫି ଅତିଥି ମାନେ ପ୍ରଦାନ କରିଥିଲେ I ଉପଦେଷ୍ଟା ସୌରଭ ଚାନ୍ଦ ଧନ୍ୟବାଦ ଅର୍ପଣ କରିଥିଲେ I ଛାତ୍ରଛାତ୍ରୀମାନ ସମବେତ ସ୍ଵାଗତ ସଙ୍ଗୀତ, ଓଡ଼ିଆ ଓ ହିନ୍ଦୀ ଭଜନ ନୃତ୍ୟ, ରଙ୍ଗ ନୃତ୍ୟ, ଦେଶାତ୍ମବୋଧକ ନୃତ୍ୟ ଏବଂ ପରିଶେଷରେ ଆଧ୍ଯାତ୍ମିକ ସଙ୍ଗୀତ ରୂପକ ‘ରାମାୟଣ’ ଆଦି ଚିତ୍ତାକର୍ଷକ ସାଂସ୍କୃତିକ କାର୍ଯ୍ଯକ୍ରମ ପରିବେଷଣ କରିଥିଲେ I ପରିଚାଳନାରେ ମୋନିକା ବାନାର୍ଜୀ,ସସ୍ମିତା ସାହୁ ,ଝରଣା ଦାସ, ମୋନାଲିସା ଦାସ,କାବେରୀ ବାରିକ ପ୍ରମୁଖ ସହଯୋଗ କରିଥିଲେ l
(ପୁରୀ ରୁ ରମେଶ ସାହୁଙ୍କ ରିପୋର୍ଟ)