ମୋହନା ଗୋଷ୍ଟି ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପରିସର ମଧ୍ୟରେ ଦିବ୍ୟାଙ୍ଗ ଛାତ୍ର ଛାତ୍ରୀଙ୍କ କ୍ରୀଡା ଅନୁଷ୍ଠିତ ….

ଗଜପତି ଜିଲ୍ଲା ମୋହନା ଗୋଷ୍ଟି ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପରିସର ମଧ୍ୟରେ ଆଜି ଦିବ୍ୟାଙ୍ଗ ଛାତ୍ର ଛାତ୍ରୀ ମାନଙ୍କ କ୍ରୀଡା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି କାର୍ଯ୍ୟକ୍ରମରେ ଗୋଷ୍ଟି ଶିକ୍ଷା ଅଧିକାରୀ ଦେବଦାସ ତମରାପୁ ପ୍ରଦୀପ ପ୍ରଜ୍ବଳନ କରି ଆନୁଷ୍ଠାନିକ ଭାବେ ଉଦଘାଟନ କରିଥିବା ବେଳେ ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ କୁନା ପାତ୍ର ମୁଖ୍ୟ ଅତିଥି ଭାବେ ଉପସ୍ଥିତ ଥିଲେ।ଏହି କାର୍ଯ୍ୟକ୍ରମକୁ ଅଡବା କ୍ରୀଡା ଶିକ୍ଷକ ଓ ସମ୍ବଳ ଶିକ୍ଷକ ଦୁହେଁ ସୁ-ପରିଚାଳନା କରିଥିଲେ।ଏହି କ୍ରୀଡା କାର୍ଯ୍ୟକ୍ରମ ରେ ବିଶେଷ କରି ଦିବ୍ୟାଙ୍ଗ ଛାତ୍ର ଛାତ୍ରୀଙ୍କ ନିମନ୍ତେ ଲେମ୍ବୁ ଚାମଚ, ବୁକେଟ ବଲ, ଜିଲାପି ଡିଆ, ବ୍ଲାଇଣ୍ଡ ହିଟ, ମିୟୁଜିକ ଚେଇର ଖେଳ ଅନୁଷ୍ଠିତ ହୋଇଥିଲା।ଏଥିରେ ସଫଳ ପ୍ରତିଯୋଗୀ ମାନଙ୍କୁ ପୁରସ୍କାର ବିଭାଗ ପକ୍ଷରୁ ଅତିଥି ମାନେ ପ୍ରଦାନ କରିଥିଲେ।ଏହି କାର୍ଯ୍ୟକ୍ରମ କୁ ପ୍ରକାଶ କୁମାର ସାହୁ, ବିଭାଗୀୟ କର୍ମଚାରୀ ମାନେ ସୁ-ପରିଚାଳନା କରିଥିଲେ।ସର୍ଵ ଶେଷରେ ବରିଷ୍ଠ ଶିକ୍ଷକ ଶଙ୍କର ପଣ୍ଡା ଧନ୍ୟବାଦ ପ୍ରଦାନ କରିଥିବା ବେଳେ ଗୋଷ୍ଟି ଶିକ୍ଷା ଅଧିକାରୀ ତମରାପୁ ଦିବ୍ୟାଙ୍ଗ ଛାତ୍ର ଛାତ୍ରୀ ଙ୍କ ଭବିଷ୍ୟତ ଉଜ୍ବଳ କାମନା କରିଥିଲେ।
( ମୋହନା ରୁ ଗଣେଶ ବିଷୋୟୀ ଙ୍କ ରିପୋର୍ଟ)