ଚାଷୀ ଝିଅ +2 ପରୀକ୍ଷା ରେ ବ୍ଲକ ଟପ୍ପର
ଚାଷୀ ଝିଅ +2 ପରୀକ୍ଷା ରେ ବ୍ଲକ ଟପ୍ପର
====================
ଗଞ୍ଜାମ – ପ୍ରଦୀପ କୁମାର ପଣ୍ଡା
ଗଞ୍ଜାମ ବ୍ଲକ କୁଜିଢେପା ଗ୍ରାମର ସୁକାନ୍ତ ଜେନାଙ୍କ ଝିଅ ଜ୍ୟୋତି ଜେନା ଚଳିତ ବର୍ଷ +2 ପରୀକ୍ଷା ରେ ଉତୀର୍ଣ୍ଣ ହୋଇ 600 ରୁ 513 ମାର୍କ ରଖି ବ୍ଲକ ଟପ୍ପର ହୋଇଛନ୍ତି l ସେ ଖଣ୍ଡଦେଉଳୀ ସହିଦ ଭଗତ ସିଂ କଲେଜ ଛାତ୍ରୀ ଅଟନ୍ତି l ବିଭିନ୍ନ ସମୟରେ ସ୍କୁଲରେ ହେଉଥିବା ବୃତ୍ତି ପରୀକ୍ଷା, ବକୃତା ଓ ପ୍ରବନ୍ଧ ଆଦି ବର୍ଗରେ ପାରଦର୍ଶିତା ଦେଖାଇ ଆସିଥିବା ଜ୍ୟୋତି ହେଉଛନ୍ତି ଜଣେ ଚାଷୀ ପରିବାର ଝିଅ l ଏହି ସଫଳତା ପାଇଁ 7ରୁ 8 ଘଣ୍ଟା ପରିଶ୍ରମ, ବାପା ମାଆଙ୍କ ପ୍ରେରଣା କଲେଜ ଅଧକ୍ଷଙ୍କ ସମେତ ଅନ୍ୟାନ୍ୟ ଅଧ୍ୟାପିକା/ଅଧ୍ୟାପକଙ୍କ ଉପଦେଶ ଏବଂ ଭଗବାନଙ୍କ ଆଶ୍ରିବାଦରୁ ସମ୍ଭବ ହୋଇଛି ବୋଲି ଜ୍ୟୋତି କହିଛନ୍ତି l ଆଗକୁ ସେ ପଢ଼ା ଜାରୀ ରଖିବେ ଏବଂ ସମୟ ମିଳିଲେ ପିଲାଙ୍କୁ ଶିକ୍ଷା ଦାନ କରିବେ ବୋଲି କହିଛନ୍ତି ଚାଷୀ ଝିଅ ତଥା ବ୍ଲକ ଟପ୍ପର ଜ୍ୟୋତି l ଏହି ଅବସରରେ କଲେଜ ଅଧକ୍ଷ ଦିବାକର ସ୍ୱାଇଁ ଏବଂ ଓଡ଼ିଆ ଅଧ୍ୟାପକ ଗୌରୀ ଶଙ୍କର ଶତପଥୀ ଜ୍ୟୋତିଙ୍କ ଉତ୍ତର ଉତ୍ତର କାମନା ସହ ଶୁଭେଚ୍ଛା ଜଣାଇଛନ୍ତି l
