ମୋହନା ସାମ୍ବାଦିକ ସଂଘ ପକ୍ଷରୁ ତହସିଲଦାରଙ୍କୁ ବିଦାୟ ସମ୍ବର୍ଦ୍ଧନା 

ଗଜପତି ଜିଲ୍ଲା ଅନ୍ତର୍ଗତ ବୃହତ୍ତ ମୋହନା ତହସିଲର ତହସିଲଦାର ସତ୍ୟବାନ ନାୟକଙ୍କୁ ମୟୂରଭଞ୍ଜ ଜିଲ୍ଲା ବିଶୋଇ ତହସିଲକୁ ବଦଳି ହୋଇଥିବା ବେଳେ ତାଙ୍କୁ ମୋହନା ସମ୍ବାଦିକ ସଂଘ ପକ୍ଷରୁ ବିଦାୟ ସମ୍ବର୍ଦ୍ଧନା ଜ୍ଞ।ପନ କରାଯାଇଛି l ଗତ ମାର୍ଚ୍ଚ ମାସରେ ମୋହନା ତହସିଲଦାର ଶ୍ରୀ ନାୟକ ଯୋଗ ଦେବା ପରେ ବହୁ ସାମାଜିକ, ସାମୁହିକ କାର୍ଯ୍ୟର ସଫଳ ରୂପାୟନ କରିବା ସହ କାର୍ଯ୍ୟlଳୟର ସଂସ୍କାର ଆଣିବାରେ ଦୃଢ଼ ପଦକ୍ଷେପ ଗ୍ରହଣ କରିଥିଲେ l ଏହି ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମରେ ସାମ୍ବାଦିକ ସଂଘ ସଭାପତି ପଞ୍ଚାନନ ଦାଶ , ଉପସଭାପତି ନୃସିଂହନାଥ ପୂଜାରୀ, ସମ୍ପାଦକ ସୁମନ ପଟ୍ଟନାୟକ , ସହ ସମ୍ପାଦକ ଅଂଶୁମାନ ପଣ୍ଡା, ସଦସ୍ୟ ବାବୁଲା ସେଠୀ, ବାଦଲ ବେହେରା ଓ ପ୍ରମୋଦ ଦୋରା ପ୍ରମୁଖ ଉପସ୍ଥିତ ଥିଲେ l ସାମ୍ବାଦିକ ମାନେ ତହସିଲର ଉନ୍ନତି ମୂଳକ କାର୍ଯ୍ୟକ୍ରମରେ ସଦାସର୍ବଦା ସହଯୋଗ କରି ଆସିଥିବାରୁ ଓ ବିଭିନ୍ନ ଜନହିତକର ସମସ୍ୟା ତହସିଲ ପ୍ରଶାସନର ଦୃଷ୍ଟିଗୋଚ଼ରକୁ ଆଣିଥିବାରୁ ତହସିଲଦାର ସାମ୍ବାଦିକ ସଂଘ କର୍ମକର୍ତ୍ତା ମାନଙ୍କୁ ସାଧୁବାଦ ଜଣାଇଥିଲେ।ଏହା ସଙ୍ଗେ ତହସିଲରେ ହେଉଥିବା ଦୀର୍ଘ ଦିନ ର ଅବ୍ୟବସ୍ଥା କୁ ହଟାଇବାରେ ପ୍ରମୁଖ ଭୂମିକା ନେଇଥିବାରୁ ଅଞ୍ଚଳ ବାସୀ ଖୁସି ବ୍ୟକ୍ତ କରିଥିଲେ।