ପୋଲସରା ବିଧାନସଭା ନିର୍ବାଚନ , ମଇଦାନରେ ୯ ପ୍ରାର୍ଥୀ
ବୁଗୁଡା : ତା ୧୦/୦୫/୨୪ : ସାଧାରଣ ନିର୍ବାଚନର ପଞ୍ଚମ ପର୍ଯ୍ୟାୟ ତଥା ଚଳିତ ମାସ ୨୦ ତାରିଖ ଦିନ ପୋଲସରା ବିଧାନସଭା ନିର୍ବାଚନ ମଣ୍ଡଳୀର ୨୬୩ଟି ମତଦାନ କେନ୍ଦ୍ରରେ ଭୋଟ ଗ୍ରହଣ ହେବାକୁ ଥିବାବେଳେ ଏଥି ନିମନ୍ତେ ୯ ଜଣ ପ୍ରାର୍ଥୀ ରହିଥିବା ଜଣାଯାଇଛି । ବିଜୁ ଜନତା ଦଳରୁ ଶ୍ରୀକାନ୍ତ ସାହୁ , ଭାରତୀୟ ଜନତା ପାର୍ଟରୁ ଗୋକୁଳାନନ୍ଦ ମଲ୍ଲିକ , ଭାରତୀୟ ଜାତୀୟ କଂଗ୍ରେସରୁ ଅଗସ୍ତି ବରାଡ , ବହୁଜନ ସମାଜ ପାର୍ଟିରୁ ପି.କୈଳାସ ଚନ୍ଦ୍ର ପାତ୍ର ଏବଂ ସ୍ବାଧୀନ ପ୍ରାର୍ଥୀ ଭାବେ ଅକ୍ଷୟ କୁମାର ରାଉତ , ଜଗନ୍ନାଥ ସାମଲ , ନାରାୟଣ ସାହୁ, ନିରାକାର ନାୟକ ଓ ରାଜୀବ କୁମାର ଜେନା ପ୍ରମୁଖ ପୋଲସରା ବିଧାନସଭା ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଛନ୍ତି । ଏହି ନିର୍ବାଚନମଣ୍ଡଳୀ ମୋଟ ୨,୪୮,୯୩୭ ଜଣ ଭୋଟର ରହିଥିବା ବେଳେ ସେମାନଙ୍କ ମଧ୍ୟରୁ ୧୨୯୪୦୭ ଜଣ ପୁରୁଷ , ୧୧୯୫୨୨ ଜଣ ମହିଳା ଏବଂ ୮ ଜଣ ତୃତୀୟ ଲିଙ୍ଗି ଭୋଟର ରହିଥିବା ଜଣାଯାଇଛି । ଉକ୍ତ ନିର୍ବାଚନ ମଇଦାନରେ ୯ ଜଣ ପ୍ରାର୍ଥୀ ରହିଥିଲେ ହେଁ ମୂଖ୍ଯତଃ ବିଜେଡି ଓ ବିଜେପି ମଧ୍ୟରେ ଲଢେଇ ଜୋର ଧରିଛି । ଉଭୟ ଦଳ ପକ୍ଷରୁ ଗ୍ରାମାଞ୍ଚଳଠୁ ଆରମ୍ଭ କରି ସହରାଞ୍ଚଳରେ ଘନ ଘନ ପ୍ରଚାର ଜାରି ରହିଥିବା ବେଳେ ପ୍ରାର୍ଥୀମାନେ ସେମାନଙ୍କ ସମର୍ଥକଙ୍କ ଗହଣରେ ଗାଁ ଗାଁ ବୁଲି ଭୋଟ ଭିକ୍ଷା କରୁଥିବା ଦେଖିବାକୁ ମିଳୁଛି ।
