ବିଜୁ ଛାତ୍ର ଜନତା ଦଳ ର ରାଜ୍ୟ ସମ୍ପାଦିକା ହେଲେ ସମାଜସେବୀ ଇଂ.ଚନ୍ଦନା ମଲ୍ଲିକ…..

ଉମରକୋଟ ୧୦/୦୨(ନିପ୍ର) ସମାଜସେବା ସହ ନିଜର କାର୍ଯ୍ୟ ଦକ୍ଷତା ପାଇଁ ସର୍ବଦା ଚର୍ଚ୍ଚାରେ ରହୁଥିବା ଇଂ. ଚନ୍ଦନା ମଲ୍ଲିକ ହେଲେ ବିଜୁ ଛାତ୍ର ଜନତା ଦଳ ର ରାଜ୍ୟ ସମ୍ପାଦିକା | ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଇଂ. ଚନ୍ଦନା ମଲ୍ଲିକ ଙ୍କ ଉପରେ ଆସ୍ଥା ପ୍ରକଟ କରିବାସହ ବିଧିବଦ୍ଧ ଭାବେ ମୋହର ମାରି ସ୍ୱୀକୃତି ପ୍ରଦାନ କରିଛନ୍ତି | ଖବର ଜାଣିବା ପରେ ନବରଙ୍ଗପୁର ଜିଲ୍ଲାରେ ବିଜୁ ପ୍ରେମି ଙ୍କ ମଧ୍ୟରେ ଖୁସିର ମାହୋଲ ଦେଖି ବାକୁ ମିଳିଛି |ଉମରକୋଟ ଅଞ୍ଚଳର ଇଂ.ଚନ୍ଦନା ହେଉଛନ୍ତି ପ୍ରକ୍ଷାତ ସ୍ବେଛାସେବୀ ଦୁର୍ଗା ପ୍ରସାଦ ମଲ୍ଲିକ ଙ୍କ ସୁପୁତ୍ରୀ, ପୂର୍ବରୁ ଇଂ. ଚନ୍ଦନା ଜ଼ିଲ୍ଲା କ୍ରୀଡା ସଙ୍ଘର ମହିଳା କ୍ରୀଡା ସଂଯୋଜିକା, ଦିଲ୍ଲୀପ ତିର୍କୀ ହକି ଫାଉଣ୍ଡେସନ ରେ ସଭ୍ୟ ଏବଂ ସ୍ବେଛାସେବୀ ସଂସ୍ଥା ହେଲ୍ପ ଲାଇନ ର ଉପସଭାପତି ଭାବେ ଦାୟିତ୍ୱ ତୁଲାଇ ଆସୁଛନ୍ତି l ବିଜୁ ଛାତ୍ର ଜନତା ଦଳର ରାଜ୍ୟ ସମ୍ପାଦକ ଭାବେ ବିବେଚିତ ହୋଇ ଥିବାରୁ ମାନ୍ୟବର ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ଶ୍ରୀଯୁକ୍ତ ନବୀନ ପଟ୍ଟନାୟକ ଏବଂ ବିଜେଡି ରାଜ୍ୟ ସାଙ୍ଗଠାନିକ ସମ୍ପାଦକ ଶ୍ରୀଯୁକ୍ତ ପ୍ରଣବ ପ୍ରକାଶ ଦାସ ( ବବି ଭାଇ ) ନବରଙ୍ଗପୁର ସାଂସଦ ଶ୍ରୀଯୁକ୍ତ ରମେଶ ଚନ୍ଦ୍ର ମାଝୀ ନବରଙ୍ଗପୁର ଜିଲ୍ଲା , ବିଜୁଜନତା ଦଳର ବିଧାୟକଗଣ, ବିଜୁ ଛାତ୍ର ଜନତା ଦଳର ରାଜ୍ୟ ସଭାପତି ଶ୍ରୀଯୁକ୍ତ ଦେବିରଞ୍ଜନ ତ୍ରିପାଠୀ, ଯୁବ ଛାତ୍ର ବ୍ୟାପାର ରାଜ୍ୟ ସମ୍ପାଦକ ଶ୍ରୀଯୁକ୍ତ ପ୍ରଣବ ବଳବନ୍ତ୍ ରାୟ , ସ୍ବେଛାସେବୀ ସଂସ୍ଥା ହେଲ୍ପ ଲାଇନ ର ଉପଦେଷ୍ଟା ତଥା ଓଡିଶା ଉଠା ଜଳସେଚନ ନିଗମ ଉପଦେଷ୍ଟା ଶ୍ରୀଯୁକ୍ତ ପ୍ରମୋଦ କୁମାର ପାଢ଼ୀ , ବିଜୁ ଛାତ୍ର ଜନତା ଦଳର ଜିଲ୍ଲା ସଭାପତି ଶ୍ରୀ ସୁଧାଂଶୁ ଦାସ, ଏବଂ ନବରଙ୍ଗପୁର ଜିଲ୍ଲା ବିଜୁ ପରିବାର ର ସମସ୍ତ ଙ୍କୁ ଅନେକ ଅନେକ କୃତଜ୍ଞତା ଓ ଧନ୍ୟବାଦ ଜଣାଇଛନ୍ତି l ଏହି ପଦବି ପାଇବା ପରେ ଆହୁରି ଅଧିକ ଲୋକ ସେବା କରିବାକୁ ଉତ୍ସାହ ବଢିବ ବୋଲି ଇଂ. ଚନ୍ଦନା ମଲ୍ଲିକ କହିଛନ୍ତି |(ନବରଙ୍ଗପୁର ଜିଲ୍ଲା ଉମରକୋଟ ରୁ ଏମ୍.ଦିନା°ଶୁ ଆଚାରୀ ଙ୍କ ରିପୋର୍ଟ)