ନାରୀଶକ୍ତି ଫିଟନେସ ରନ କାର୍ଯ୍ୟକ୍ରମ…

ଗଞ୍ଜାମ :ଯୁବ ବ୍ୟାପାର ଓ କ୍ରୀଡା ମନ୍ତ୍ରାଳୟ ନେହେରୁ ଯୁବକେନ୍ଦ୍ର ପକ୍ଷରୁ ମୋ ଭାରତ ବିକଶିତ ଭାରତ ନାରୀଶକ୍ତି ଫିଟନେସ ରନ କାର୍ଯ୍ୟକ୍ରମ ଗଞ୍ଜାମ ସହର ସ୍ଥିତ ମା ବୁଢ଼ୀଠାକୁରାଣୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି l ଏଥିରେ ଗଞ୍ଜାମ ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ଦିଗଦର୍ଶନ ସହଯୋଗରେ ଆୟୋଜିତ ହୋଇଥିଲା l ଗଞ୍ଜାମ ବ୍ଲକ ଜାତୀୟ ଯୁବ ସ୍ବେଛାସେବୀ ଵିଷ୍ଣୁପ୍ରିୟା ଙ୍କ ପ୍ରତ୍ୟେକ୍ଷ ତତ୍ୱାବଧାନ ଓ ଦିଗଦର୍ଶନ ଫାଉଣ୍ଡେସନ ମୁଖ୍ୟ ବିଜୟଲକ୍ଷ୍ମୀ ମହାଙ୍କୁଡ଼ ଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ସ୍ଥାନୀୟ ଯୁବନେତା ସୁଧିର କୁମାର ପାଢ଼ୀ ଯୋଗଦେଇ ଉପସ୍ଥିତ ମହିଳା ମାନଙ୍କ ସୁଖ ସମୃଦ୍ଧି କାମନା କରିଥିଲେ l ଅନୁଷ୍ଠାନ ର ନିର୍ଦ୍ଧେଶକ ଉମାକାନ୍ତ ବେହେରା ଏକ ସୁସ୍ଥ ମାନବ ସମାଜ ଗଠନ ପାଇଁ ମହିଳା ମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ପ୍ରକାଶ କରିଥିଲେ l ସ୍ଥାନୀୟ ଗଣ ମାଧ୍ୟମ ପ୍ରତିନିଧି ବିଦ୍ୟାଧର ସାହୁ ସମ୍ମାନିତ ଅତିଥିଭାବେ ଯୋଗଦେଇଥିଲେ l ସ୍ଥାନୀୟ ଅଞ୍ଚଳର ମହିଳା ମାନଙ୍କ ମଧ୍ୟରେ ଦୌଡ଼ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ରଞ୍ଜିତା ମହାଙ୍କୁଡ଼ ପ୍ରଥମ, ପ୍ରମୋଦିନୀ ମହାରଣା ଦ୍ୱିତୀୟ ଓ ଝୁଲି ପାତ୍ର ତୃତୀୟ ସ୍ଥାନ ଅଧିକାର କରିଥିଲେ l ଅତିଥି ମାନଙ୍କ ଦ୍ୱାରା କୃତି ପ୍ରତିଯୋଗୀ ମାନଙ୍କୁ ମାନପତ୍ର, ସିଲ ଓ ଟି-ସାର୍ଟ ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା l ଭାଗନେଇଥିବା ସମସ୍ତ ମହିଳା ଙ୍କୁ ଦିଗଦର୍ଶନ ଅନୁଷ୍ଠାନ ତରଫରୁ ମାନପତ୍ର ପ୍ରଦାନ କରାଯାଇଥିଲା lଅନୁଷ୍ଠାନ ର ଉପସଭାପତି ରାକେଶ କୁମାର ନାୟକ, ସହ ସମ୍ପାଦକ ସୁଦର୍ଶନ ପାଢ଼ୀ, ମହା ପ୍ରସାଦ ମହାପାତ୍ର ପ୍ରମୁଖ କାର୍ଯ୍ୟକ୍ରମ ସୁପରିଚାଳନାରେ ସହଯୋଗ କରିଥିଲେ l(ପ୍ରଦୀପ କୁମାର ପଣ୍ଡା)