ପ୍ରଧାନମନ୍ତ୍ରୀ ଆବାସ ଯୋଜନା ତାଲିମ ଶିବିର

କୋଲନରା : ରାୟଗଡ଼ା ଜିଲ୍ଲା କୋଲନରା ବ୍ଲକ ଭାଗୁଡ଼ି ଗ୍ରାମରେ ପ୍ରଧାନ ମନ୍ତ୍ରୀ ଆବାସ ଯୋଜନା ତାଲିମ ଶିବିର ଅନୁଷ୍ଠିତ ହୋଇଯାଇ ଅଛି ।ଉକ୍ତ ତାଲିମ ଶିବିର ଭାଗୁଡ଼ି ଗ୍ରାମ ର ୱାର୍ଡମେମ୍ବର ରମେଶ କଣ୍ଡାଗରୀ ଙ୍କ ସଭାପତିତ୍ୱ ରେ ବାଙ୍କିଲି ଗ୍ରାମ ପଞ୍ଚାୟତ ସରପଞ୍ଚ କୁନି ମାଣ୍ଡାଙ୍ଗି ମୁଖ୍ୟ ଅତିଥି ଓ ସଂମ୍ମାନୀୟ ଅତିଥି ବାଙ୍କିଲି ଗ୍ରାମ ପଞ୍ଚାୟତ ର ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଜୀବନ ଜେନା ଯୋଗ ଦେଇ ଥିଲେ ।ଉକ୍ତ ଶିବିରରେ ଶ୍ରୀଯୁକ୍ତ ଜେନା ଗ୍ରାମର ମହିଳା ପୁରୁଷ ମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ କି ଭଳିଭାବେ ଆବେଦନ କରିପାରିବେ ଏବଂ ଆବାସ ଯୋଜନାରେ କେମିତି ସମସ୍ତେ ଅନ୍ତର୍ଭୁକ୍ତ ହେବେ ଆଉ କିଏ ମଧ୍ୟ ଯୋଜନା ରୁ ବଞ୍ଚିତ ରହିବେ ନାହିଁ ବୋଲି କହିଥିଲେ ।ଯେଉଁ ହିତାଧିକାରୀ ଆଗରୁ ଆବାସ ଯୋଜନାରେ ଏକ ଲକ୍ଷ ତିରିଶ ହଜାର ପାଇଥିବେ ଏବଂ ବଡ଼ ବଡ଼ ଯାନବାହନ ଥିବ ସେଇ ମାନେ ଆବେଦନ କରି ପାରିବେ ନାହିଁ ବୋଲି ସରକାର ଙ୍କ ତରଫରୁ ଘୋଷଣା ଅଛି ବୋଲି କହିଥିଲେ ।ଯୋଜନା କୁ ଲୋକାଭିମୁଖୀ କରିବା ଦିଗରେ ସରକାର ଗ୍ରାମ ଗ୍ରାମ ବୁଲି ସଚେତନ କରୁଥିବା ଦେଖିବାକୁ ମିଳିଛି । ଉକ୍ତ ଶିବିର ରେ ସ୍ଥାନୀୟ ଭଦ୍ରବ୍ୟକ୍ତି ଭାସ୍କର ନିମାଲା,କାମେଶ୍ୱର ମାଣ୍ଡାଙ୍ଗି, ଭାସ୍କର କାଡ୍ରାକା,ଲକି କଣ୍ଡାଗରୀ, ସେନାପତି ବିଡ଼ିକା, ଭିକାରୀ କଣ୍ଡାଗରୀ, ଉପେନ୍ଦ୍ର ପ୍ରମୁଖ ଉପସ୍ଥିତ ଥିଲେ ।

ରିପୋର୍ଟ :ସଞ୍ଜୀବ କଣ୍ଡାଗରୀ