ଭଗବତୀ ବିଦ୍ୟା ନିକେତନ ର 26ତମ କ୍ରୀଡା ଉତ୍ସବ ଅନୁଷ୍ଠିତ ..

ପୁରୀ –5.1.25 ଅଠର ନଳା ଶିକ୍ଷାଶ୍ରୀ ଲେନସ୍ଥିତ ଭଗବତୀ ବିଦ୍ୟା ନିକେତନ ର 26ତମ ବାର୍ଷିକ କ୍ରୀଡା ଉତ୍ସବ ଜିଲ୍ଲା ସ୍କୁଲ ପରିସରରେ ଅନୁଷ୍ଠିତ ହୋଇ ଯାଇଛି. ପ୍ରାଣକୃଷ୍ଣ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବକୁ କ୍ରୀଡା ପତାକା ଉତ୍ତୋଳନ ଉଦଘାଟନ କରିଥିଲେ ରାଷ୍ଟ୍ରପତି ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ମିନତୀ ପଟ୍ଟନାୟକ. ଅନ୍ୟମାନଙ୍କ ମଧ୍ୟରେ ଶାରୀରିକ ଶିକ୍ଷା ନିରୀକ୍ଷକ କୈଳାସ ବିଶୋଇ, ଜାତୀୟ ପୁରସ୍କାରପ୍ରାପ୍ତ ଶିଶୁ ସାହିତ୍ୟିକ ବୀରେନ୍ଦ୍ର ମହାନ୍ତି, ବିଦ୍ୟାଳୟର ସମ୍ପାଦକ ମହେନ୍ଦ୍ର ବିଶୋଇ, ସହ ସମ୍ପାଦକ ଲକ୍ଷ୍ମୀଧର ମାଝୀ, ପ୍ରାତଃ ବିଭାଗ ସଂଚାଳିକା ମମତା ଦାସ, ମାନସୀ ଦାଶ ପ୍ରମୁଖ ଉପସ୍ଥିତ ଥିଲେ l ଏହି ଅବସରରେ କୁନି କୁନି ବିଦ୍ୟାର୍ଥୀ ମାନଙ୍କ ମଧ୍ୟରେ ବିଭିନ୍ନ ପ୍ରକାର ଦୌଡ, ବେଙ୍ଗ ଦୌଡ, ଅଖା ଦୌଡ଼, ରଙ୍ଗ ଦୌଡ, ଆଳୁ ଚାମଚ ଦୌଡ, ବଲ ଥ୍ରୋ, ମ୍ୟୁଜିକ ଚେୟାର, ଦୌଡ଼ି ଡିଆଁ, ସଟ ଫୁଟ, ଅଙ୍କ ଦୌଡ଼ ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ପ୍ରତିଯୋଗିତା ଶେଷରେ କୃତୀ ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା. ରତ୍ନମଣୀ ଦଳାଇ, ପୁଷ୍ପଲତା ମହାରଣା, ଦୀପ୍ତି ମହାପାତ୍ର, ବୀଣାପାଣି ପାଇକରାୟ, ଜଳନ୍ଧର ବିଶୋଇ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ l