ଶ୍ରୀମନ୍ଦିର ପରିକ୍ରମା ପ୍ରକଳ୍ପ ର ଲୋକାର୍ପଣ ର ପ୍ରଚାର ପ୍ରସାର କରୁଛି ଜୟ ଜଗନ୍ନାଥ ଅର୍ପଣ ରଥ…..
ଉମରକୋଟ :-ରାଜ୍ୟ ସରକାର ଙ୍କ ନିର୍ଦେଶ କ୍ରମେ ଆଜି ଉମରକୋଟ ବ୍ଲକ ପକ୍ଷରୁ ଚାରୋଟି ପଞ୍ଚାୟତ ରେ ଜୟ ଜଗନ୍ନାଥ ଅର୍ପଣ ରଥ ବୁଲିବା ଆରମ୍ଭ କରିଛି। ଆଜି ଉମରକୋଟ ସ୍ଥିତ ଦାଢ଼ିଗୁଡା ଛକଠାରୁ ବଡଭାରାଣ୍ଡି, ବଡ଼କୁମାରି, କାରାଗାଁ, ମୁଣ୍ଡିଗୁଡା ପଞ୍ଚାୟତ ପାଇଁ ଚାରୋଟି ରଥ ବାହାରିଛି ଏହାକୁ ନବରଙ୍ଗପୁର ଏମପି ରମେଶ ମାଝୀ ଶୁଭାରମ୍ଭ କରିଛନ୍ତି। ସମସ୍ତ ରଥରେ ସଂକ୍ରୀତନ ଦଳ ସଂକ୍ରୀତନ କରୁଥିବା ଦେଖିବାକୁ ମିଳିଛି। ପଞ୍ଚାୟତର ପ୍ରତ୍ୟକ ଗ୍ରାମକୁ ଏହି ରଥ ଯିବ ଓ ପ୍ରତ୍ୟକ ଘରୁ ଗୁଆ ଓ ଅରୁଆ ଚାଉଳ ସଂଗ୍ରହ କରି ଶ୍ରୀଜଗନ୍ନାଥ ଙ୍କ ମନ୍ଦିର କୁ ନିଆଯିବ। ଜୟ ଜଗନ୍ନାଥ ଅର୍ପଣ ରଥ ପରିଭ୍ରମଣ ସମୟରେ ଏମପି ରମେଶ ଚନ୍ଦ୍ର ମାଝି, ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝୀ,ଉଠା ଜଳ ସେଚନ ପ୍ରକଳ୍ପ ଉପଦେଷ୍ଟା ପ୍ରମୋଦ କୁମାର ପାଢ଼ୀ , ବ୍ଲକ ଅଧକ୍ଷା , ମହାପ୍ରଭୁ ଙ୍କ ପାଇଁ ଚାଉଳ ଓ ଗୁଆ ଅର୍ପଣ କରିଛନ୍ତି।ଏହି କାର୍ଯ୍ୟକ୍ରମରେ ବିଡ଼ିଓ ପ୍ରୀତିରଞ୍ଜନ ରଥ ଓ ସମସ୍ତ ବ୍ଲକ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମ କୁ ସୁଚାରୁ ରୁପେ ପରିଚାଳନା କରଥିଲେ।
(ନବରଙ୍ଗପୁର ଜିଲ୍ଲା ଉମରକୋଟ ରୁ ଏମ୍.ଦିନାଶୁ ଆଚାରୀ ଙ୍କ ରିପୋର୍ଟ)
