ଇଞ୍ଚୋଳ ବିକାଶ ମଞ୍ଚ ପକ୍ଷରୁ ବିଶ୍ବ ପରିବେଶ ଦିବସ ପାଳନ ।
ପଞ୍ଜିକୃତ ସାମାଜିକ ନ୍ୟାସ ଇଞ୍ଚୋଳ ବିକାଶ ମଞ୍ଚ ତରଫରୁ ଆଜି ଇଞ୍ଚୋଳସ୍ଥିତ ମାର୍ଥା ପୋଖରୀ ସନ୍ନିକଟ ଶ୍ରୀ ଜଗନ୍ନାଥ ବନ ପ୍ରକଳ୍ପ ରେ ବିଶ୍ଵ ପରିବେଶ ଦିବସ ପାଳନ ହୋଇଯାଇଛି । ଏହି ଅବସରରେ ଚାରାରୋପଣ ସହ ପରିବେଶ ଓ ଧରଣୀର ସୁରକ୍ଷା ସମ୍ପର୍କିତ ଏକ ବିଶେଷ ଆସର ଅନୁଷ୍ଠିତ ହୋଇଥିଲା , ପ୍ଲାଷ୍ଟିକ୍ ପ୍ରଦୂଷଣ ନିୟନ୍ତ୍ରଣ ଉପରେ ସଦସ୍ଯ ମାନେ ନିଜ ନିଜର ବକ୍ତବ୍ଯ ରଖିଥିଲେ । ଘରୁ ବାହାରକୁ ଗଲାବେଳେ ସମସ୍ତେ ନିଜ ହାତରେ କପଡା କିମ୍ବା ଝୋଟ ବା ପରିବେଶ ଉପଯୋଗୀ ଝୁଲା,ମୁଣା ବା ବସ୍ତାନି ଧରି ହାଟ ବଜାର ଯିବା ସହ ନିଜ ପରିବାର ଓ ଗାଁ ରେ ସମସ୍ତେ ସଚେତନ କରାଇବାକୁ ଶପଥ ନେଇଥିଲେ । ମଞ୍ଚର ସଦସ୍ୟମାନେ ଶ୍ରୀ ଜଗନ୍ନାଥ ବନ ପ୍ରକଳ୍ପ ପରିସରରେ ଚାରାରୋପଣ କରିବା ସହ ତାର ଦାୟିତ୍ବ ନେଇ ଉତ୍ତାରିବାକୁ ପ୍ରତିଜ୍ଞା କରିଥିଲେ ।ଉମାକାନ୍ତ ପଣ୍ଡାଙ୍କ ସଂଯୋଜନାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ । ଧରଣୀ ମାର ସୁରକ୍ଷା ଓ ବନୀକରଣ ଉପରେ ସମସ୍ତେ ଗୁରୁତ୍ବାରୋପ କରିବାକୁ ପଣ କରିଥିଲେ, ପ୍ରଦୀପ ସା ,ଶଶିକାନ୍ତ ପଣ୍ଡା ,ସାଇବ ପଣ୍ଡା ,ରାଜେନ୍ଦ୍ର ଜେନା,ରାଜ କିଶୋର ଜେନା,ଲିକୁ ଜେନା, ,ଇନ୍ଦ୍ରମଣି ଜେନ , ବିଶ୍ୱଜିତ ଯେନା, ସିପୁନ ଯେନା, ରାଜେନ୍ଦ୍ର ଯେନା,ଚିକୁ ଯେନା,ତପୁନୁ ଯେନା ପ୍ରମୁଖ ଯୋଗଦାନ କରି ଚାରାରୋପଣ ରେ ସହଯୋଗ କରିଥିଲେ ।
(ସୋମେଶ ପରିଡ଼ା ଙ୍କ ରିପୋର୍ଟ ହାଟଡିହ ରୁ)
