କୋଟିଏ ଟଙ୍କାର ଗଞ୍ଜେଇ ଚାଷ ନଷ୍ଟ….

ମୋହନା, ଗଜପତି ଜିଲ୍ଲା ମୋହନା ଥାନା ଉଲୁଣ୍ଡା ଗାଁ ନିକଟରେ ଚଢ଼ାଉ କରି ପ୍ରାୟ ଏକ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରିଛି ପୋଲିସ ଓ ଅବକାରୀ ବିଭାଗ l ପ୍ରାୟ ୬୨ ଏକର ଜମିରେ ବେଆଇନ ଗଞ୍ଜେଇ ଚାଷ ହୋଇଥିବା ବେଳେ ଏହାକୁ କାଟି ପୋଡ଼ି ନଷ୍ଟ କରିଛି ମିଳିତ ବାହୀନି l ଶିକୁଳିପଦର ପଞ୍ଚାୟତ ଉଲୁଣ୍ଡା ଗାଁ ନିକଟରେ ଥିବା ଜଙ୍ଗଲ ଜମିରେ ବେଆଇନ ଭାବେ ବିପୁଳ ପରିମାଣର ଗଞ୍ଜେଇ ଚାଷ ହୋଇଥିବା ନେଇ ପୁଲିସ ସୂଚନା ପାଇଥିଲା l ଏହାକୁ ଆଧାର କରି ମୋହନା ପୁଲିସ, ଅବକାରୀ ବିଭାଗ , ରାଜସ୍ବ ଓ ବନ ବିଭାଗ କର୍ମଚାରୀ ମିଳିତ ଭାବେ ଚଢ଼ାଉ କରିଥିଲେ l ଗତ ପ୍ରାୟ ୨ ମାସ ହେଲା ଏହି ଅଭିଯାନ ଜାରି ରହିଥିବା ବେଳେ ବର୍ତ୍ତମାନ ସୁଦ୍ଧା ୫୦ କୋଟିରୁ ଉର୍ଦ୍ଧ୍ବ ଟଙ୍କା ରୁ ଅଧିକ ଗଞ୍ଜେଇ ଚାଷ ନଷ୍ଟ କରାଯାଇଥିବା ଥାନା ଅଧିକାରୀ ବସନ୍ତ ସେଠୀ କହିଛନ୍ତି l