କାଳୀ ପୂଜା ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମ 

ବୁଗୁଡ଼ା : ତା ୦୩/୧୦/୨୪ : ସ୍ଥାନୀୟ ମଦନ ମୋହନ ଛକଠାରେ ବ୍ଯବସାୟୀ ସଂଘ ପକ୍ଷରୁ ପବିତ୍ର ଦୀପାବଳିଠାରୁ ମା’ କାଳୀଙ୍କ ପୂଜା ଅତ୍ଯନ୍ତ ଆଗ୍ରହ ଓ ନିଷ୍ଠାର ସହ ପାଳନ କରାଯାଉଛି । ଏଥିଲାଗି ଗତ ଶନିବାର ସନ୍ଧ୍ୟାରେ ପୂଜା ମଣ୍ଡପ ନିକଟରେ ପୂଜା କମିଟି ପକ୍ଷରୁ ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ “ପ୍ରଜ୍ଞା ନୃତ୍ୟାୟନ”ର କଳାକାରମାନଙ୍କ ଦ୍ଵାରା ନୃତ୍ୟ ପରିବେଷଣ କରାଯାଇଥିଲା। କୁନି କଳାକାରଙ୍କ ଆକର୍ଷଣୀୟ ନୃତ୍ୟକୁ ଦର୍ଶକ ମନଭରି ଉପଭୋଗ କରିଥିଲେ। ଏହି ସାଂସ୍କୃତିକ କାର୍ଯ୍ୟକ୍ରମରେ ଅତିଥି ଭାବେ ସ୍ଥାନୀୟ ମିଡିଆ କ୍ଲବ୍ ସଭାପତି ଅନୀଲ କୁମାର ପଟ୍ଟନାୟକ, ପୋଲିସ ଥାନା ଏସ୍ଆଇ ସମୀର କୁମାର ସେଠୀ, ପୂଜା କମିଟି ସଭାପତି ସୁବ୍ରତ କୁମାର ସ୍ବାଇଁ ଓ ପ୍ରଜ୍ଞା ନୃତ୍ୟାୟନର ନିର୍ଦ୍ଦେଶକ ପ୍ରଦୀପ କୁମାର ମହାନ୍ତି ପ୍ରମୁଖ ଯୋଗ ଦେଇ କଳାକାରଙ୍କୁ ଉତ୍ସାହିତ କରିବା ସହ ସେମାନଙ୍କୁ ପ୍ରମାଣପତ୍ର ପ୍ରଦାନ କରିଥିଲେ। ଉପସ୍ଥାପକ ବଳରାମଙ୍କ ସଂଯୋଜନାରେ ଅନୁଷ୍ଠିତ ଉକ୍ତ ସାଂସ୍କୃତିକ କାର୍ଯ୍ୟକ୍ରମକୁ ମନୋରଞ୍ଜନ ଦାଶ ପରିଚାଳନା କରିଥିବା ବେଳେ ପୂଜା କମିଟିର ଅନ୍ୟ ସଦସ୍ୟଗଣ ଏଥିରେ ସହଯୋଗ କରିଥିଲେ। ଏହି ସାଂସ୍କୃତିକ କାର୍ଯ୍ୟକ୍ରମ ଶାନ୍ତି ଶୃଙ୍ଖଳାର ସହ ସମ୍ପନ୍ନ ହୋଇଥିଲା ବେଳେ ଏଥି ପାଇଁ ପୋଲିସର ସହଯୋଗ ମଧ୍ୟ ଦେଖିବାକୁ ମିଳିଥିଲା।