April 4, 2025

ବୁଗୁଡ଼ା ଏନଏସିରେ ବିଧାୟକଙ୍କ ସମୀକ୍ଷା ବୈଠକ

Share

ବୁଗୁଡ଼ା ଏନଏସିରେ ବିଧାୟକଙ୍କ ସମୀକ୍ଷା ବୈଠକ
ବୁଗୁଡ଼ା : ତା ୦୩/୦୬/୨୩ : ସ୍ଥାନୀୟ ଏନ୍ଏସି କାର୍ଯ୍ୟାଳୟ ପରିସରରେ ଏକ ସମୀକ୍ଷା ବୈଠକ ବିଧାୟକ ଶ୍ରୀକାନ୍ତ ସାହୁଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକ ଅବସରରେ ଏନ୍ଏସି ଅନ୍ତର୍ଗତ ବିଭିନ୍ନ ପୋଖରୀର ସୌନ୍ଦର୍ଯ୍ୟକରଣ ସମ୍ପର୍କେ ଆଲୋଚନା ସହ ୧୩ଟି ପୋଖରୀ ମଧ୍ୟରୁ ୫ଟି ପୋଖରୀର ଡ୍ରୋନ୍ ସର୍ଭେ କାର୍ଯ୍ୟ ସମାପ୍ତ ହୋଇଥିବା ସୂଚନା ମିଳିଥିଲା । ଏନ୍ଏସିର ପ୍ରତ୍ଯେକ ଓ୍ବାର୍ଡର ଉନ୍ନତିକରଣ କାର୍ଯ୍ୟକ୍ରମ ସମ୍ପର୍କେ ସଂପୃକ୍ତ ଓ୍ବାର୍ଡ କାଉନସିଲରଙ୍କ ଦୃଷ୍ଟି ଆକର୍ଷଣ କରାଯିବା ଜରୁରୀ ବୋଲି ମତ ପ୍ରକାଶ ପାଇଥିଲା । ଏଥି ସହ ଏନ୍ଏସିରେ ଯୋଗ୍ଯ ହିତାଧିକାରୀଙ୍କ ମଧ୍ୟରେ ଆବାସ ବଣ୍ଟନ କ୍ଷେତ୍ରରେ କୌଣସି ଅସାଧୁ ଉପାୟ ଅବଲମ୍ବନ ନ କରାଯିବା ଏବଂ ଓ୍ବାର୍ଡ ଅଫିସର ନିଯୁକ୍ତି ବେଳେ ସରକାରୀ ମାର୍ଗ ଦର୍ଶିକାକୁ ଅନୁସରଣ ପୂର୍ବକ କୌଣସି ଚଞ୍ଚକତା ଯେପରି ନ ହୁଏ ସେଥିପ୍ରତି ଏନ୍ଏସି କର୍ତ୍ତୃପକ୍ଷ ଗୁରୁତ୍ବ ଦେବାକୁ ବିଧାୟକ ପରାମର୍ଶ ଦେଇଥିଲେ । ଉକ୍ତ ସମୀକ୍ଷା ବୈଠକରେ ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ, ଉପାଧ୍ୟକ୍ଷା ଗୀତାଞ୍ଜଳି ପାଢ଼ୀ, କାର୍ଯ୍ୟନିର୍ବାହୀ ଅଧିକାରୀ ରଶ୍ମି ରଞ୍ଜନ ଦାସଙ୍କ ସମେତ କାଉନସିଲର ଓ ଅନ୍ୟାନ୍ୟ ପ୍ରତିନିଧିଗଣ ଉପସ୍ଥିତ ରହିଥିଲେ ।