ଗଜପତି:-୩ୟ ଭାରତୀୟ ବିଶ୍ୱବିଦ୍ୟାଳୟ ସଂଘ ରାଷ୍ଟ୍ରୀୟ ମହିଳା ଛାତ୍ର ସଂସଦ କାର୍ଯ୍ୟକ୍ରମରେ ରାଜ୍ୟପାଳ’ଙ୍କ ଯୋଗଦାନ ..

ଗଜପତି ଜିଲ୍ଲା ବି: ସିତାପୂର୍ ର ଆଲୁରୀ ନଗର ସ୍ଥିତ ସେଞ୍ଚୁରିଆନ ବିଶ୍ୱବିଦ୍ୟାଳୟ ଆନୁକୂଲ୍ୟରେ ବିଶ୍ୱବିଦ୍ୟାଳୟ କେମ୍ପସ ପରିସରରେ ଆଜି ଭାରତର ପ୍ରମୁଖ ଆନ୍ତଃବିଶ୍ୱବିଦ୍ୟାଳୟ ସଂଗଠନ ଅନ୍ତର୍ଗତ ଭାରତୀୟ ବିଶ୍ୱବିଦ୍ୟାଳୟ ସଂଘ ରାଷ୍ଟ୍ରୀୟ ମହିଳା ଛାତ୍ର ସଂସଦ ୨୦୨୪-୨୫ “ସଶକ୍ତ ସ୍ୱର ସୁଦୃଢ଼ ଭବିଷ୍ୟତ ବିକଶିତ ଭାରତ ” ନୂଆଦିଲ୍ଲୀ ସ୍ଥିତ ଆସୋସିଏସନ୍ ଅଫ୍ ଇଣ୍ଡିଆନ ୟୁନିଭରସିଟିର ତତ୍ତ୍ଵାବଧାନରେ ୫ ଦିନିଆ ମହତ୍ତ୍ୱପୂର୍ଣ୍ଣ କାର୍ଯ୍ୟକ୍ରମର ଉଦଘାଟନ ହୋଇଯାଇଛି ।

ଏହି କାର୍ଯ୍ୟକ୍ରମରେ ଓଡ଼ିଶାର ମହାମହିମ ରାଜ୍ୟପାଳ ଡ଼ଃ ହରିବାବୁ କମ୍ଭମପତି ମୁଖ୍ୟଅତିଥି ଭାବେ ଯୋଗଦେଇ ସେଞ୍ଚୁରିଅନ ବିଶ୍ୱବିଦ୍ୟାଳୟର ଏହି ୫ ଦିନିଆ କାର୍ଯ୍ୟକ୍ରମକୁ ଉଦଘାଟନ କରିଥିଲେ ।

ଏହି ଅବସରରେ ରାଜ୍ୟପାଳ ଡ଼ଃ ହାରିବାବୁ କମ୍ଭମପତି କହିଥିଲେ ଯେ , ଜାତୀୟ ମହିଳା ଛାତ୍ର ସଂସଦ ମାଧ୍ୟମରେ ଯୁବପିଢିର ମହିଳା ମାନଙ୍କ ସେମାନଙ୍କ ସମ୍ଭାବନା ଏବଂ ଶକ୍ତିର ଉପଯୋଗ କରିବା ପାଇଁ ଭିତ୍ତିଭୂମି ପ୍ରଦାନ କରିବା ଦିଗରେ ବିଶେଷ ସହାୟକ ହୋଇପାରିବ।

ମହିଳା ମାନଙ୍କ ବିବିଧ ଏବଂ ଗତିଶୀଳ ଅଂଶଗ୍ରହଣ ଓ ପ୍ରତିନିଧିତ୍ଵ ସହିତ ନେତୃତ୍ୱ ଭଳି ପ୍ରୟାସ ର ଲକ୍ଷ୍ୟ ବିଭିନ୍ନ କ୍ଷେତ୍ରରେ ଏହା ନିଶ୍ଚିତ ଭାବେ ପରବର୍ତ୍ତୀ ପିଢ଼ିର ମହିଳା ନେତୃବୃନ୍ଦଙ୍କୁ ଉପାଦେୟ ପ୍ରେରଣା ଦେବା ସହ ସଶକ୍ତ କରିବାରେ ସହାୟକ ହୋଇପାରିବ ବୋଲି କହିଥିଲେ ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବିଭିନ୍ନ ବିଶ୍ୱବିଦ୍ୟାଳୟର ଯଥା:- ଭାରତୀୟ ବିଶ୍ୱବିଦ୍ୟାଳୟ ସଂଘର ଅତିରିକ୍ତ ସଚିବ- ନୂଆଦିଲ୍ଲୀ ଡ଼ଃ ମମତା ରାଣୀ ଅଗ୍ରୱାଲ , ସେଞ୍ଚୁରିଅନ ବିଶ୍ୱବିଦ୍ୟାଳୟର ଉପ କୁଳପତି ପ୍ରଫେସର ସୁପ୍ରିୟା ପଟ୍ଟନାୟକ , ବିଜୁ ପଟ୍ଟନାୟକ ଟେକ୍ନୋଲୋଜି ୟୁନଭରସିଟି ଉପ କୁଳପତି ଡ଼ଃ ଅମୂଲ୍ୟ କୁମାର ରଥ , ବ୍ରହ୍ମପୁର ୟୁନିଭାର ଓଡ଼ିଶାର ଉପ କୁଳପତି ଡ଼ଃ ଗୀତାଞ୍ଜଳୀ ଦାସ ଏବଂ ଆନ୍ଧ୍ରପ୍ରଦେଶ ସ୍ଥିତ ସେଞ୍ଚୁରିଆନ ବିଶ୍ୱବିଦ୍ୟାଳୟର କୁଳପତି ଡଃ ଜିଏସଏନ: ରାଜୁ ପ୍ରମୁଖ ସମ୍ମାନିତ ତଥା ମଞ୍ଚାସୀନ ଅତିଥି ଭାବେ ଯୋଗ ଦେଇ ଜାତୀୟ ମହିଳା ଛାତ୍ର ସଂସଦ ୨୦୨୪-୨୫ ସସକ୍ତ ସ୍ୱର , ସୁଦୃଢ଼ ଭବିଷ୍ୟତ ଏବଂ ବିକଶିତ ଭାରତର ବିଭିନ୍ନ ଦିଗ ଉପରେ କହି ଉପସ୍ଥିତ ମହିଳା ଛାତ୍ର ସଂସଦକୁ ସେମାନଙ୍କ ସ୍ପନ୍ଦନଶିଳ ଆଲୋଚନା ମାଧ୍ୟମରେ ଉପାଦେୟ ଜ୍ଞାନ ପ୍ରଦାନ କରିଥିଲେ ।

ଏହି ଅବସରରେ ମୁଖ୍ୟଅତିଥି ରାଜ୍ୟପାଳଙ୍କ ସମେତ ସମସ୍ତ ମଞ୍ଚାସୀନ ଅତିଥି ମାନଙ୍କୁ ସେଞ୍ଚୁରିଆନ ବିଶ୍ୱବିଦ୍ୟାଳୟ ପକ୍ଷରୁ ପୁଷ୍ପଗୁଚ୍ଛ , ଉପଢୌକନ ଓ ମାନପତ୍ର ଦେଇ ସମ୍ଭର୍ଦ୍ଧନା ଜ୍ଞାପନ କରା ଯାଇଥିଲା ।

ଏହି କାର୍ଯ୍ୟକ୍ରମରେ ରାଜ୍ୟ ଓ ରାଜ୍ୟ ବାହାରର ୩୦ ଗୋଟି ବିଶ୍ୱବିଦ୍ୟାଳୟର ୧୨୦ ଜଣ ମହିଳା ଛାତ୍ର ପ୍ରତିନିଧିତ୍ଵ କରିଥିବା ବେଳେ ବହୁ ସଂଖ୍ୟାରେ ପ୍ରଫେସର , ଶିକ୍ଷାବିତ୍ ଓ ବୁଦ୍ଧିଜୀବୀ ଅଂଶଗ୍ରହଣ କରିଥିଲେ ।

ଶେଷରେ ସେଞ୍ଚୁରିଆନ ବିଶ୍ୱବିଦ୍ୟାଳୟର ରେଜିଷ୍ଟ୍ରାର ପ୍ରଫେସର ଅନିତା ପାତ୍ର ଉପସ୍ଥିତ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।

ଏହି ଅବସରରେ ରାଜ୍ୟପାଳ ଡ଼ଃ ହରୀବାବୁ କମ୍ଭମପତି ବିଶ୍ୱବିଦ୍ୟାଳୟର ୬ ତାଲା ବିଶିଷ୍ଟ ସେଣ୍ଟ୍ରାଲ ଏଡମିନିଷ୍ଟ୍ରେସନ କମ୍ପ୍ଲେକ୍ସ ଉଦଘାଟନ କରିବା ସହ ବିଶ୍ଵ ବିଦ୍ୟାଳୟର କେମ୍ପସରେ ଥିବା ବିଭିନ୍ନ ବିଭାଗ ପରିଦର୍ଶନ କରିଥିଲେ ।

ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ସଭାପତି ଡଃ ମୁକ୍ତିକାନ୍ତ ମିଶ୍ରଙ୍କ ସମେତ ଜିଲ୍ଲାପାଳ ଶ୍ରୀ ବିଜୟ କୁମାର ଦାସ ଏବଂ ଜିଲ୍ଲା ଏସ ପି: ଶ୍ରୀ ଯତୀନ୍ଦ୍ର କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ ।

———————————————

ଗଣେଶ କୁମାର ରାଜୁ

ପାରଳାଖେମୁଣ୍ଡି (ଗଜପତି)

———+——————————-