ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ପୁଷ୍ଟି ଯୋଜନାର ଶୁଭାରମ୍ଭ

ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ପୁଷ୍ଟି ଯୋଜନାର ଶୁଭାରମ୍ଭ
ବୁଗୁଡ଼ା : ତା ୦୧/୧୨/୨୩ : ସ୍ଥାନୀୟ ସମନ୍ବିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ ପକ୍ଷରୁ ବୁଗୁଡ଼ା ବ୍ଲକ ଓ ଏନ୍ଏସି ଅନ୍ତର୍ଗତ ୧୦ଟି ସେକ୍ଟରର ୧୦ଟି ଅଙ୍ଗନୱାଡି କେନ୍ଦ୍ରରେ ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ପୁଷ୍ଟି ଯୋଜନାର ଶୁଭାରମ୍ଭ ହୋଇଯାଇଛି । ଏ ପରିପ୍ରେକ୍ଷୀରେ ଏନ୍ଏସି ସେକ୍ଟର ଅନ୍ତର୍ଗତ କୃଷ୍ଣଶରଣପୁର ଅଙ୍ଗନୱାଡି କେନ୍ଦ୍ରରେ ଗର୍ଭବତୀ ଓ ପ୍ରସୂତିଙ୍କୁ ରାଶି ଲଡୁ , ପୌଷ୍ଟିକ ମୁଢି , ଭଜା ଚଣା ଖଜରା ଏବଂ କିଶୋରୀଙ୍କୁ ପୌଷ୍ଟିକ ମୁଢି ଓ ଭଜା ଚଣା ପ୍ରଦାନ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସମ୍ପୃକ୍ତ କେନ୍ଦ୍ରର ଅଙ୍ଗନୱାଡି କର୍ମୀ ଅନିତା କୁମାରୀ ମିଶ୍ର ପରିଚାଳନା କରିଥିବା ବେଳେ ଏଥିରେ ଆଞ୍ଚଳିକ ପରିଦର୍ଶିକା ଜି.ରଶ୍ମି ଯୋଗ ଦେଇଥିଲେ ।