ଗାଙ୍ଗପୁର ପୋଲିସ୍ ର ଜୁଆ ଆଡ୍ଡାରେ ଚଢ଼ାଉ ; 11 କୋର୍ଟଚାଲାଣ
ବେଲଗୁଣ୍ଠା, 01/11, ଗାଙ୍ଗପୁର ଥାନା ଅନ୍ତର୍ଗତ ଗୋବରାରେ ଏକ ଜୁଆ ଆଡ୍ଡାରେ ଚଢ଼ାଉ କରି 11 ଜଣଙ୍କୁ କୋର୍ଟଚାଲାଣ କରିଛି ଗାଙ୍ଗପୁର ପୋଲିସ୍ I ସୂଚନା ପ୍ରକାରେ ଗୁରୁବାର ରାତିରେ ଗାଙ୍ଗପୁର ପୋଲିସ୍ ପାଟ୍ରୋଲିଂ କରୁଥିବା ସମୟରେ ଗୋବରାରେ ଏକ ବଡ଼ ଜୁଆ ଆଡ୍ଡା ଚାଲିଥିବାର ସୂଚନା ପାଇ ପୋଲିସ୍ ବାହିନୀ ଅତର୍କିତ ଚଢ଼ାଉ କରିଥିଲେ ସମ୍ପୃକ୍ତ ଜୁଆ ଆଡ୍ଡା ଉପରେ I ସେଠାରୁ ପୋଲିସ୍ 11 ଜଣଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ନଗଦ 78536 ଟଙ୍କା, ଛଅଟି ମୋଟରସାଇକେଲ୍,ଏଗାରଟି ମୋବାଇଲ୍ ଏବଂ ଗୋଟିଏ ଖଣ୍ଡା ଜବତ କରିଥିଲା I ସବୁଠାରୁ ବଡ଼ କଥା ହେଉଛି ଏହା ଜୁଆ ଆଡ୍ଡାର ମାଷ୍ଟର୍ ମାଇଣ୍ଡ୍ ଗାଙ୍ଗପୁର ଥାନାର ରାମେଶ୍ଵର ପାତ୍ର ନାମକ ଜଣେ ହୋମଗାର୍ଡ୍ I ସମସ୍ତ ଏଗାର ଜୁଆଡିଙ୍କୁ କୋର୍ଟଚାଲାଣ କରାଯାଇଥିବା ଗାଙ୍ଗପୁର ଥାନା ଅଧିକାରୀ ରାଜେଶ୍ କୁମାର ନାୟକ ସୂଚନା ଦେଇଛନ୍ତି I
ଵେଲଗୁଣ୍ଟା, ରିପୋର୍ଟ ପଞ୍ଚାନନ, ସାହୁ
