ଯୁବ ଇଞ୍ଜିନିୟର ଦୀପଙ୍କର ମହାନ୍ତି ଙ୍କ ଏକାଦଶାହ ଉପଲକ୍ଷେ ସ୍ମୃତିଶ୍ରଦ୍ଧାଞ୍ଜଳି

ଯୁବ ଇଞ୍ଜିନିୟର ଦୀପଙ୍କର ମହାନ୍ତି ଙ୍କ ଏକାଦଶାହ ଉପଲକ୍ଷେ ସ୍ମୃତିଶ୍ରଦ୍ଧାଞ୍ଜଳି।
================= ଝଙ୍କଡ- 14/06/23:-ବାଣିକ୍ଷେତ୍ର ଝଙ୍କଡ଼ ସାରଳାପୀଠ କନକପୁର ପଞ୍ଚାୟତ ଅଧୀନ କଣ୍ଟାପଡ଼ା ଗ୍ରାମର ଯୁବ ଇଞ୍ଜିନିୟର ଦୀପଙ୍କର ମହାନ୍ତି (ବବୁଲ) ଙ୍କର ପବିତ୍ର ଏକାଦଶାହ ଉପଲକ୍ଷେ ଏକ ସ୍ମୃତିଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ଶୋକାକୁଳ ପରିବେଶ ମଧ୍ୟରେ ଗତ ବୁଧବାର ଦିନ ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ଗତ ଦେବସ୍ନାନ ପୂର୍ଣ୍ଣିମା ପ୍ରାତଃ ସମୟରେ ସେ ଭୁବନେଶ୍ୱର ସ୍ଥିତ ଆପୋଲୋ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ପରଲୋକ ହୋଇଯାଇଥିଲେ। ସେ ଜଣେ ସରଳ ଅମାୟୀକ, ମିଷ୍ଟଭାଷୀ ଓ କର୍ତ୍ତବ୍ୟନିଷ୍ଟ ଇଞ୍ଜିନିୟର ଥିବାରୁ ତାଙ୍କର ଏକାଦଶାହ ସ୍ମୃତିଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ବହୁ ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇ ସ୍ୱର୍ଗତ ଦୀପଙ୍କର ଙ୍କର ଜୀବନଦର୍ଶନ ଉପରେ ଆଲୋଚନା କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।ଭୁବନେଶ୍ୱର ବିଡିଏ ରେ କାର୍ଯ୍ୟରତ ଥିଲାବେଳେ ଏହି କାର୍ଯ୍ୟାଳୟ ର ସମସ୍ତ କର୍ମଚାରୀ ଓ ପଦାଧିକାରୀ ମାନଙ୍କ ସହିତ ମିଳିମିଶି କାମ କରୁଥିଲେ। ତେବେ ତାଙ୍କର ଏହି ସ୍ମୃତିଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ରେ ରାଜ୍ୟ ବିପର୍ଯ୍ୟୟ ପ୍ରଶମନ ପରିଚାଳନା ବିଭାଗର କମିଶନର ଜ୍ଞାନରଞ୍ଜନ ଦାସ, ସେବାନିବୃତ ପ୍ରଶାସନିକ ଅଧିକାରୀ ଜନରଞ୍ଜନ ଦାସ , ସମାଜସେବୀ ସତ୍ୟଭୂଷଣ ଦାସ, ସାରଳାସଂସ୍କୃତି ଗବେଷକ ରମାକାନ୍ତ ରାଉଳ ଙ୍କ ସମେତ ବହୁ ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସ୍ମୃତି ଚାରଣ କରିଥିଲେ। ଏହି ସମସ୍ତ କାର୍ଯ୍ୟକ୍ରମକୁ ଦିପକ ମହାନ୍ତି,ଦିନେଶ ମହାନ୍ତି, ପାୟଲ ମହାନ୍ତି ପରିଚାଳନା କରିବାରେ ସକ୍ରିୟ ସହଯୋଗ କରିଥିଲେ।
ତିର୍ତ୍ତୋଲ ରୁ ଶରତ କୁମାର ଦାଶ ଙ୍କ ରିପୋର୍ଟ୍ ନ୍ୟୁଜ ଉପାନ୍ତ ଓଡିଶା