ପିପୁଲ୍ସ ହାଇସ୍କୁଲ ଟପ୍ପର ଦିନେଶ ମହାରଣା ସମ୍ବର୍ଦ୍ଧିତ
ପିପୁଲ୍ସ ହାଇସ୍କୁଲ ଟପ୍ପର ଦିନେଶ ମହାରଣା ସମ୍ବର୍ଦ୍ଧିତ
ବୁଗୁଡା : ତା ୦୯/୦୬/୨୩ : ସ୍ଥାନୀୟ ପିପୁଲ୍ସ ହାଇସ୍କୁଲର ୧୯୭୨ ମାଟ୍ରିକ ଆଲୁମିନି ବ୍ଯାଚ୍ ପକ୍ଷରୁ ମେଧାବୀ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ କୈଳାସ ଚନ୍ଦ୍ର ଦାଶ ଅଧ୍ଯକ୍ଷତା କରିଥିବା ବେଳେ ଏଥିରେ ଅତିଥି ଭାବେ ପ୍ରଧାନ ଶିକ୍ଷକ ପ୍ରଶାନ୍ତ କୁମାର ଗୌଡ , ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଅଧ୍ୟକ୍ଷ ହରିହର ମହାରଣା ପ୍ରମୁଖ ଯୋଗ ଦେଇଥିଲେ । ଏ ଅବସରରେ ଦଶମ ଶ୍ରେଣୀ ବୋର୍ଡ ପରୀକ୍ଷାରେ ୫୫୪ ନମ୍ବର ରଖି ବୁଗୁଡ଼ା ବ୍ଲକରେ ଦ୍ବିତୀୟ ସ୍ଥାନ ତଥା ପିପୁଲ୍ସ ହାଇସ୍କୁଲ ଟପ୍ପର ରୂପେ ବିବେଚିତ ହୋଇଥିବା ମେଧାବୀ ଛାତ୍ର ଦିନେଶ କୁମାର ମହାରଣାଙ୍କୁ ମାନପତ୍ର ପ୍ରଦାନ ପୂର୍ବକ ଭବ୍ଯ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଏଥି ସହ ଅନ୍ଯତମ ମେଧାବୀ ଛାତ୍ର ସୁନୀଲ କୁମାର ରାଉତଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ଉକ୍ତ କାର୍ଯ୍ୟକ୍ରମର ପ୍ରାରମ୍ଭରେ ଅଭୟ କୁମାର ପାଣିଗ୍ରାହୀ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଗୌରୀପତି ଦାଶ ବେଦପାଠ , ଟି.ସୁଦର୍ଶନ ପାତ୍ର ପ୍ରାରମ୍ଭିକ ସଙ୍ଗୀତ, ତ୍ରିଲୋଚନ ସାହୁ ଉଦ୍ଦେଶ୍ଯ ଜ୍ଞାପନ କରିଥିଲେ । ପରିଶେଷରେ ଅନନ୍ତ କରଙ୍କ ଦ୍ବାରା ଶାନ୍ତି ପାଠ ସହ ଧନ୍ଯବାଦ ଅର୍ପଣ କରାଯାଇଥିଲା ।
