ଦକ୍ଷିଣ ଓଡିଶା ସାହିତ୍ୟ ସମ୍ମିଳନୀର ଗଜପତି ଜିଲ୍ଲା ଶାଖା ବୈଠକ ଅନୁଷ୍ଠିତ
ପାରଳାଖେମୁଣ୍ଡି:୭/୫ (ଗରୁଡ଼ ଧ୍ଵଜ ଚୌଧୁରୀ) ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସ୍ଥିତ ସ୍ଥାନୀୟ ଶ୍ରୀ ଶୈଳମ୍ କଲ୍ୟାଣ ମଣ୍ଡପ ପରିସରରେ ଦକ୍ଷିଣ ଓଡିଶା ସାହିତ୍ୟ ସମ୍ମିଳନୀ ଗଜପତି ଜିଲ୍ଲା ଶାଖାର ଏକ ବୈଠକ ଅନୁଷ୍ଠିତ ହୋଇ ଯାଇଛି . ଜିଲ୍ଲା ସଭାପତି ସିଦ୍ଧେଶ୍ୱର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏ ବୈଠକରେ ସମ୍ପାଦିକା ତନୁଜା ଶତପଥୀ ପ୍ରାରମ୍ଭିକ ଅଭିଭାଷଣ ଦେବା ସହ ଉଦ୍ଦେଶ୍ୟ ଜ୍ଞାପନ କରିଥିଲେ . ମଂଚାସୀନ ହୋଇ ବକ୍ତବ୍ୟ ରଖିଥିଲେ ନରସିଂହ ଗୌଡ଼ . ସଚ୍ଚିଦାନନ୍ଦ ସାମଲ , ଲିଙ୍ଗରାଜ ପାଣିଗ୍ରାହୀ , ହର ପ୍ରସାଦ ସୁଆର , ଲୋକନାଥ ମିଶ୍ର ,ଗଣେଶ ରାଜୁ , ମୂରଲୀ ପରିଚ୍ଛା , ସବିତା ପଣ୍ଡିତ , ମାନସୀ , ପ୍ରଫୁଲ୍ଲ , ମୀନା , କବିତା ପ୍ରମୁଖ ଆଲୋଚନାରେ ଭାଗ ନେଇଥିଲେ . ପ୍ରତି ମାସର ଶେଷ ରବିବାର ଦିନ ବୈଠକ ରଖି ସାହିତ୍ୟ ଆଲୋଚନା , କବିତା ପାଠ ପ୍ରଭୃତି କାର୍ଯ୍ୟକ୍ରମ କରିବା ପାଇଁ ନିଷ୍ପତ୍ତି ନିଆ ଯାଇଥିଲା . ଆଗାମୀ ମେ’ ୨୫ ତାରିଖ ଦିନ ମହାରାଜା କୃଷ୍ଣଚନ୍ଦ୍ର ଗଜପତିଙ୍କ ୫୦ତମ ଶ୍ରାଦ୍ଧବାର୍ଷିକୀ ପାଳନ ସକାଶେ ଉପସ୍ଥିତ ସମସ୍ତେ ମତ ଦେଇଥିଲେ . ଧନ୍ୟବାଦ ଅର୍ପଣ କରିଥିଲେ ଗୌରାଙ୍ଗ ଗୌଡ଼ . ସମ୍ମିଳନୀର ରାଜ୍ୟ ସଭାପତି କବି ପ୍ରଶାନ୍ତ ମିଶ୍ରଙ୍କୁ ବୈଠକକୁ ନିମନ୍ତ୍ରଣ କରା ଯାଇଥିଲା . କିନ୍ତୁ ଅସୁସ୍ଥତାବଶତଃ ସେ ଆସି ନପାରି ଶୁଭେତ୍ସା ବାର୍ତ୍ତା ପଠାଇଥିଲେ .
