ଅଟୋ ଓଲଟି ୩ ମୃତ, ୭ଗୁରୁତର,

ଅଟୋ ଓଲଟି ୩ ମୃତ, ୭ଗୁରୁତର,

ଗଜପତି ଜିଲ୍ଲା ଆର.ଉଦୟଗିରି ଥାନା ଅନ୍ତର୍ଗତ ନୂଆଗଡ ଠାରୁ କେରେଡlଙ୍ଗ ରାସ୍ତାରେ ଘଟିଛି ଏକ ଅଭାବନୀୟ ଘଟଣା l କେରେଡାଙ୍ଗ ଘାଟି ରାସ୍ତାରେ ଏକ ଅଟୋ ଦୁର୍ଘଟଣା ଘଟିଛି l କେରେଡାଙ୍ଗ ଘାଟିରୁ ୨୦ ଫୁଟ ରାସ୍ତା ତଳକୁ ଓଲଟିଛି ଅଟୋ l ଅଟୋ ଦୁର୍ଘଟଣାରେ ୩ଜଣଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଗୁରୁତର ଅଛନ୍ତି l ମୃତକଙ୍କ ମଧ୍ୟରେ ଜଣେ ମହିଳା, ଜଣେ ପୁରୁଷ ଏବଂ ଜଣେ 9 ବର୍ଷର ଶିଶୁ ଥିବାବେଳେ ମୃତକ ମାନେ ହେଲେ କୁଲେସିଂ ଗ୍ରାମର ଲୁକୋ ମଣ୍ଡଳ, ବଡ଼ପଦା ଗ୍ରାମର ଡିଲି କର ଏବଂ ଅନ୍ୟଜଣେ ଜଲାଙ୍ଗ ଗ୍ରାମର ପ୍ରତ୍ୟୁଷ କାର୍ଜି ହୋଇଥିବା ସୂଚନା ମିଳିଛି l ସମସ୍ତ ଗୁରୁତ୍ୱର ଓ ଆହତ ମାନଙ୍କୁ ସ୍ଥାନୀୟ ଲୋକଙ୍କ ସାହାଯ୍ୟରେ ଦମକଳ ବିଭାଗ ଓ ୧୦୮ ଆମ୍ବୁଲାନ୍ସ ପହଞ୍ଚି ଲୋକଙ୍କୁ ଉଦ୍ଧାର କରିବା ସହ ପ୍ରାଥମିକ ଚିକିତ୍ସା ଲାଗି ଖଜୁରୀପଦl ମେଡ଼ିକାଲ୍ ଭର୍ତ୍ତି କରାଯାଇଛି l ସେଥିମଧ୍ୟରୁ ଜଣକୁ ବ୍ରହ୍ମପୁର ବଡ଼ ମେଡିକାଲ କୁ ସ୍ଥାନାନ୍ତରିତ କରିଥିବା ବେଳେ ଆଉ ତିନି ଜଣଙ୍କୁ ଜିଲ୍ଲା ଚିକିତ୍ସାଳୟ ପାରଳାଖେମୁଣ୍ଡି କୁ ସ୍ଥାନାନ୍ତରିତ କରାଯାଇଥିବା ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ମିଳିଛି l ସୂଚନା ପ୍ରକାରେ ଆଜି ମଧ୍ୟାହ୍ନ ସମୟରେ ଏକ ଯାତ୍ରୀବାହି ଅଟୋ ଯାତ୍ରୀ ମାନଙ୍କୁ ନେଇ କେରେଡାଙ୍ଗ ଗ୍ରାମରୁ ନୂଆଗଡ଼ ଅଭିମୁଖେ ଆସୁଥିବା ବେଳେ କୌଣସି ଏକ କାରଣରୁ ଅଟୋଟି ଭାରସାମ୍ୟ ହରାଇ କେରେଡାଙ୍ଗ ଘାଟି ରାସ୍ତା କଡରେ ଥିବା ଏକ ଖାଲକୁ ଖସି ଅଟୋଟି ଦୁର୍ଘଟଣା ଘଟିଥିଲା l ଘଟଣା ସ୍ଥଳରେ ଆର.ଉଦୟଗିରି ପୋଲିସ ପହଞ୍ଚି ଶବକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି l