ବାର୍ଷିକ ଉଦଘାଟନୀ କ୍ରୀଡ଼ା ଉତ୍ସବ ଅନୁଷ୍ଠିତ..
ବୋଲଗଡ଼,
ସଂପୁର ସ୍ଥିତ ଚତୁର୍ଭୁଜ ସରକାରୀ ଉଚ୍ଚ ବିଦ୍ୟାଳୟର ବାର୍ଷିକ କ୍ରୀଡ଼ା ଉଦଘାଟନୀ ଉତ୍ସବ ବୁଧବାର ଦିନ ଅନୁଷ୍ଠିତ ହୋଇଯାଇଅଛି। ପ୍ରଧାନ ଶିକ୍ଷକ ପ୍ରମୋଦ କୁମାର ସ୍ୱାଇଁ ପୌରୋହିତ୍ୟ ଓ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ। ମୂଖ୍ୟ ଅତିଥି ରୂପେ ଗୋଷ୍ଠୀ ଶିକ୍ଷା ଅଧିକାରୀ ଗୋକୁଳଚନ୍ଦ୍ର ବଳବନ୍ତରାୟ ଯୋଗଦାନ କରି କ୍ରୀଡ଼ା ପତାକା ଉତ୍ତୋଳନ କରିଥିଲେ। ମୁଖ୍ୟବକ୍ତା ରୂପେ ବୋଲଗଡ଼ ମଣ୍ଡଳ ସଂଯୋଜକ କୈଳାଶନାଥ ସ୍ୱାଇଁ ଓ ସମ୍ମାନିତ ଅତିଥି ରୂପେ ଖଙ୍ଗୁରିଆ ଗ୍ରାମପଞ୍ଚାୟତର ବିଜେଡି ସଭାପତି ଚିତ୍ତ ରଞ୍ଜନ ମିଶ୍ର ଯୋଗଦେଇ କ୍ରୀଡ଼ାର ଉପାଦେୟତା ସମ୍ପର୍କରେ ଆଲୋକପାତ କରିଥିଲେ। ଉଦଘାଟନୀ ସଭାକୁ ଶିକ୍ଷକ ବିଶ୍ୱଜିତ୍ ସରୋଜ କୁମାର ସଂଯୋଜନା କରିଥିଲେ। ବିଦ୍ୟାଳୟର କ୍ରୀଡ଼ା ଶିକ୍ଷକ ଅଂଶୁମାନ ଧଳଙ୍କ ତତ୍ତ୍ୱାବଧାନରେ ଶିଶୁବର୍ଗ , ଉପକନିଷ୍ଠ, କନିଷ୍ଠ ଓ ବରିଷ୍ଠ ବିଭାଗ ଛାତ୍ରଛାତ୍ରୀଙ୍କ ମଧ୍ୟରେ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଶିଶୁବର୍ଗର କ୍ରୀଡ଼ା ପ୍ରତିଯୋଗିତା ଶିକ୍ଷୟତ୍ରୀ ସ୍ରୋତାଲିନ୍ ସାହୁ ଏବଂ ଶିକ୍ଷକ ଦୀପକ କୁମାର ବେହେରା , ଉପକନିଷ୍ଠ ବିଭାଗ ପ୍ରତିଯୋଗିତା ବିଭୁପ୍ରସାଦ ମହାପାତ୍ର ଏବଂ ସୌଦାମିନୀ ପରିଡ଼ା, କନିଷ୍ଠ ବିଭାଗର ପ୍ରତିଯୋଗିତା ଶୁଭଶ୍ରୀ ଧଳ, ସୌଦାମିନୀ ସୁବୁଦ୍ଧି ଏବଂ ସ୍ୱର୍ଣଲତା ପ୍ରଧାନ , ବରିଷ୍ଠ ବିଭାଗର ସ୍ମିତାସିନ୍ଧୁ ମହାପାତ୍ର , ନମିତା ସାହୁ ଏବଂ ଦୀପ୍ତିରଞ୍ଜନ ଦାସ ପରିଚାଳନା କରିଥିଲେ। ସମ୍ବିତ କେଦାର କର ଏବଂ ସ୍ନେହଲତା ପାଇକରାୟ ସହଯୋଗ କରିଥିଲେ। ପରିଶେଷରେ ଶିକ୍ଷୟତ୍ରୀ ଶୈବାଳିକା ମଲ୍ଲିକ ଧନ୍ୟବାଦ ଅର୍ପଣ କରିଥିଲେ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।
