ଶ୍ରୀରାମ ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ 35 ତମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ…
କାଶୀନଗର ଶ୍ରୀରାମ ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ 35 ତମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଛି. ଉଚ୍ଚବିଦ୍ୟାଳୟ ଅଧ୍ୟକ୍ଷ ନବକୃଷ୍ଣ ସାହୁକାରଙ୍କ ଅଧ୍ୟକ୍ଷତା ରେ ଆରମ୍ଭ ହୋଇଥିବା କାର୍ଯ୍ୟକ୍ରମରେ ପାରଳାଖେମୁଣ୍ଡି ବିଧାୟକ ରୁପେଶ ପାଣିଗ୍ରାହୀ ମୁଖ୍ୟ ଅତିଥି, ସମ୍ମାନନୀତ ଅତିଥି କାଶୀନଗର ବ୍ଲକ ଅଧ୍ୟକ୍ଷ ବାଲା ସାଇମ୍ମା ଭାବେ ଯୋଗ ଦେଇଥିଲେ. ବରିଷ୍ଠ ନାଗରିକ ହୃଷିକେଶ ଗୌଡ଼, ବରିଷ୍ଠ ରାଜନୈତିଜ୍ଞ କେ. ଆପ୍ପା ରାଓ, ଅଧ୍ୟାପିକା କଳ୍ପନା ପାଢ଼ୀ ଓ ଅବସର ପ୍ରାପ୍ତ ଖେଳ ଅଧ୍ୟାପକ କାଳୀ ପଟନାୟକ ମଂଚାସୀନ ହୋଇ ଉପସ୍ଥିତ ଥିବା ଛାତ୍ର ଛାତ୍ରୀଙ୍କୁ କ୍ରୀଡାର ଆବଶ୍ୟକତାକୁ ରାଜ୍ୟ ସରକାର ତୃଣମୂଳ ସ୍ତରରେ କେତେ ପ୍ରାଧାନ୍ୟ ଦେଉଛନ୍ତି ସେ ବିଷୟରେ ବକ୍ତବ୍ୟ ରଖି ଥିଲେ. ବିଧାୟକ ଶ୍ରୀ ପାଣିଗ୍ରାହୀ ଉପସ୍ଥିତ ଥିବା ଛାତ୍ର ଛାତ୍ରୀଙ୍କୁ ଗଜପତି ଜିଲ୍ଲାରେ କ୍ରୀଡାକୁ ଆଗେଇ ନେବା ପାଇଁ ତାଙ୍କ ତରଫରୁ ସବୁବେଳେ ଚେଷ୍ଟା ରହିଛି ବୋଲି କହିଥିଲେ. ପୂର୍ବତନ ରାଜ୍ୟ ସରକାର ଏହି ମହାବିଦ୍ୟାଳୟକୁ ଶିକ୍ଷା ତଥା କ୍ରୀଡାର ବିକାଶ ପାଇଁ ଯେଉଁ ସବୁ ଅନୁଦାନ ଦେଇଛନ୍ତି ତାର ସଦ ବିନିଯୋଗ କରିବାକୁ କହି ଥିଲେ. ଛାତ୍ର ଛାତ୍ରୀମାନଙ୍କୁ ମୋବାଇଲ ଛାଡି ପାଠ ପ୍ରତି ଧ୍ୟାନ ଦେବାକୁ ପରାମର୍ଶ ଦେଇ ନାରୀ ଜାତିକୁ ସମ୍ମାନ ଦେବାପାଇଁ କହିଥିଲେ. ଏହି କାର୍ଯ୍ୟକ୍ରମ ଦୁଇ ଦିନ ଧରି ହେବ ଏବଂ ଛାତ୍ର ଛାତ୍ରୀ ମାନେ ବିଭିନ୍ନ ଖେଳ ପ୍ରତିଯୋଗିତା ରେ ଭାଗ ନେବେ ବୋଲି ଉଚ୍ଚ ବିଦ୍ୟାଳୟ ଅଧ୍ୟକ୍ଷ ଶ୍ରୀ ସାହୁକାର କହିଥିଲେ.(ଆନନ୍ଦ ପାତ୍ର )
