ଚତୁର୍ଦ୍ଦଶ ଲକ୍ଷ୍ମୀଧର ସ୍ମାରକୀ କ୍ରିକେଟ ଟୁର୍ଣାମେଣ୍ଟ ବି ସି ସି, ଖଳିସାହି ବିଜେତା

ବୋଲଗଡ଼,(ଉପାନ୍ତ ଖବର):ବୋଲଗଡ଼ ବ୍ଲକ ସଂପୁର ଗ୍ରାମର ବାଲୁଙ୍କେଶ୍ୱର ରାଇଜିଙ୍ଗଷ୍ଟାର କ୍ରିକେଟ କ୍ଳବ୍ ଆନୁକୁଲ୍ୟରେ ଟାଙ୍ଗୀ ପଡ଼ିଆଠାରେ ଆୟୋଜିତ ଚତୁର୍ଦ୍ଧଶତମ ଲକ୍ଷ୍ମୀଧର ସ୍ମାରକୀ କ୍ରିକେଟ ଟୁର୍ଣାମେଣ୍ଟର ସୋମବାର ଦ୍ଵିତୀୟ ଲିଗ ମ୍ୟାଚ ଅନୁଷ୍ଠିତ ହୋଇଯାଇଛି।ଏହି ମ୍ୟାଚରେ ପାଟପୁର ଗ୍ରାମର କେବିସିସି ଓ ଖଳିସାହି ଗ୍ରାମ ର ବିସିସି ଟିମ୍ ମଧ୍ୟରେ ମୁକାବିଲା ହୋଇଥିଲା। ପାଟପୁର ଟିମ୍ ଟଚ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ ୧୬.୩ ଓଭର ଖେଳି ସମସ୍ତ ଉଇକେଟ ବିନିମୟରେ ୧୦୭ ରନ ସ୍କୋର କରିଥିଲା।ଏହାର ଜବାବରେ ଖଳିସାହି ଦଳ ୧୪ଓଭର ଖେଳି ୭ ଉଇକେଟ ହରାଇ ୧୦୮ରନ ସ୍କୋର କରି ବିଜୟ ଲାଭ କରିଥିଲା। ଏହି ମ୍ୟାଚଟିକୁ ଆମ୍ପେୟର ଭାବେ ଲକ୍ଷ୍ମୀଧର ପ୍ରଧାନ ଓ ଦିଲ୍ଲୀପ ପରିଡ଼ା ପରିଚାଳନା କରିଥିଲେ।ଆଜିର ମ୍ୟାଚ୍ରରେ ମୁଖ୍ୟ ଅତିଥି ଭାବେ କଳାଙ୍ଗ ଗ୍ରାମ ପଞ୍ଚାୟତ ସମିତିସଭ୍ୟ ରଶ୍ମିରଞ୍ଜନ ପ୍ରଧାନ ଏବଂ ଗ୍ରାମ୍ୟ ଭଦ୍ରବ୍ୟକ୍ତି ରବୀନ୍ଦ୍ର ସାଥୁଆ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ। ଆୟୋଜକ କ୍ଳବ୍ ସଭାପତି ନିରଞ୍ଜନ ନାୟକ ଙ୍କ ସମେତ ସଦସ୍ୟ ବିକୁ, ଆକୁଳ,କୁନୁ, ତ୍ରିନାଥ ଓ ଲିଙ୍କୁନ ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ।ମଙ୍ଗଳବାର ପଣ୍ଡୁସର ଓ ବ୍ରଜରାଜପୁର ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ବୋଲି ମୁଖ୍ୟ ପରିଚାଳକ ଶାନ୍ତନୁ ଛୋଟରାୟ ସୂଚନା ପ୍ରଦାନ କରିଛନ୍ତି।

ରିପୋର୍ଟ-ସୁଶାନ୍ତ କୁମାର ପ୍ରଧାନ।