ବୁଗୁଡା ଅଞ୍ଚଳରେ ଶୀତର ପ୍ରକୋପ , ଜନଜୀବନ ଅସ୍ତବ୍ୟସ୍ତ

ବୁଗୁଡ଼ା : ତା ୧୫/୧୨/୨୪ : ଏବେ ପାଞ୍ଚ ଦିନ ହେଲା ବୁଗୁଡ଼ା ଅଞ୍ଚଳରେ ଶୀତର ପ୍ରକୋପ ଅନୁଭୂତ ହେଉଛି । ଏହି ଅଞ୍ଚଳର ଜଙ୍ଗଲ ନିକଟବର୍ତ୍ତୀ ଗ୍ରାମଗୁଡ଼ିକରେ ପ୍ରବଳ ଜାଡ ଅନୁଭୂତ ହେଉଥିବା ବେଳେ ସହରାଞ୍ଚଳରେ ମଧ୍ୟ ଶୀତର ପ୍ରଭାବ ପଡୁଛି । ତାପମାତ୍ରା ୧୧ ରୁ ୧୩ ଡିଗ୍ରୀ ମଧ୍ୟରେ ରହିବା ସାଙ୍ଗକୁ

କୋହଲା ପବନ ସାଧାରଣ ଜନଜୀବନକୁ ଅସ୍ତବ୍ୟସ୍ତ

କରୁଛି । ଶୀତୁଆ ସକାଳରେ କୌଣସି କାମରେ ଘରୁ

ପଦାକୁ ବାହାରିବାକୁ କଷ୍ଟ ଲାଗୁଥିବା ବେଳେ ରାତିରେ

ଶୀଘ୍ର ବଜାର ଘାଟ ଖାଲି ହୋଇଯାଉଛି । ଶୀତର

ପ୍ରକୋପରେ ଆବାଳବୃଦ୍ଧବନିତା ପ୍ରଭାବିତ ହେଉଛନ୍ତି ।

ବିନା ଶୀତ ବସ୍ତ୍ରରେ ପଦାକୁ ବାହାରିବା ମୁସ୍କିଲ

ହୋଇପଡୁଥିବା ବେଳେ ଶୀତରୁ ରକ୍ଷା ପାଇବା ପାଇଁ

ଲୋକେ ଠାଏଁ ଠାଏଁ ନିଆଁର ଆଶ୍ରୟ ନେଉଥିବା ଦେଖିବାକୁ ମିଳୁଛି ।