ଚ଼ିଟିଙ୍ଗ୍ ଘାଟିରେ ଓଲଟିଲା ପିକ୍ ଅପ୍ ଭ୍ୟାନ୍, ୨ ମୃତ, ୧୮ ଗୁରୁତର,ବ୍ରହ୍ମପୁର ସ୍ଥାନାନ୍ତରିତ।
ମୋହନା—ଏକ ଶୁଦ୍ଧିକ୍ରିୟା ଭୋଜିରେ ଯୋଗଦେବାକୁ ଏକ ପିକ୍ ଅପ୍ ଭ୍ୟାନ୍ ଗାଡ଼ିରେ ପ୍ରାୟ ୪୦ ଜଣ ଯାତ୍ରୀ ରାମଗିରି ଥାନା ଅନ୍ତର୍ଗତ କେକେସିଂ ଗ୍ରାମରୁ ବାହାରି ମୋହନା ଥାନା ଅନ୍ତର୍ଗତ ଘାଇବାଲି ଗ୍ରାମକୁ ଆସୁଥିବା ବେଳେ ଚନ୍ଦ୍ରଗିରି ଫାଣ୍ଡି ନିକଟ ଚ଼ିଟିଙ୍ଗ୍ ଘାଟିରେ ଭ୍ୟାନ୍ ଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା। ଯାହାଫଳରେ ଗୁରୁତର ଓ ଆହତ ମାନଙ୍କୁ ଡ଼ାଲା ଗାଡ଼ି ଦ୍ୱାରା ଚନ୍ଦ୍ରଗିରି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା।ସେଥିମଧ୍ୟରୁ ସଙ୍କଟାପନ୍ନ ଅବସ୍ଥାରେ ଥିବା ରାମଗିରି ଥାନା କେକେସିଂ ଗ୍ରାମର ବାସନ୍ତି ଭୂୟାଁ (୬୫)ଓ ଚନ୍ଦ୍ରମା ଭୂୟାଁ (୬୫)ଙ୍କର ମୃତ୍ୟୁ ଘଟିଥିବା ବେଳେ ଗୁରୁତର ୧୪ ଜଣଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିବା ଡାକ୍ତର ଏନ୍. ଜୟପ୍ରକାଶ ସୂଚ଼ନା ଦେଇଛନ୍ତି।
