ବିପଦ ଶଙ୍କୁଳ ଅବସ୍ଥାରେ ବିଦ୍ଯୁତ୍ ଖୁଣ୍ଟ , ପ୍ରତିକାର ଦାବି 

ବୁଗୁଡ଼ା : ତା ୦୮/୧୨/୨୪ : ବୁଗୁଡ଼ା ଏନ୍‌ଏସି ଓ୍ବାର୍ଡ ନଂ-୫ ଅନ୍ତର୍ଗତ ସିମାଞ୍ଚଳ ମାର୍ଗ – ମହାରଣା ସାହି ଛକରେ ଦୀର୍ଘ ଦିନ ହେଲା ଏକ ବିଦ୍ଯୁତ୍ ଖୁଣ୍ଟ ବିପଦ ଶଙ୍କୁଳ ଅବସ୍ଥାରେ ରହିଥିବା ଦେଖିବାକୁ ମିଳିଛି । ଉକ୍ତ ଖୁଣ୍ଟରୁ ବିଭିନ୍ନ ଘରକୁ ବିଦ୍ୟୁତ୍ ଯୋଗାଣ ହେଉଛି । ତେବେ ଲୁହା ବିଦ୍ଯୁତ୍ ଖୁଣ୍ଟର ତଳ ଭାଗ କଳଙ୍କି ଲାଗି ସମ୍ପୁର୍ଣ୍ଣ ନଷ୍ଟ ହେବାକୁ ବସିଥିବା ବେଳେ କେତେବେଳେ ଯେ ଏହା ଭାଙ୍ଗି ଯାଇ ଏକ ବଡ ଧରଣର ବିପଦ ଘଟାଇବ ତାହା କହି ହେଉନାହଁ । ସାହିବାସିନ୍ଦା ଏହି ବିପଦ ଶଙ୍କୁଳ ବିଦ୍ଯୁତ୍ ଖୁଣ୍ଟ ଯୋଗୁଁ ଭୟ ଓ ଆଶଙ୍କା ମଧ୍ୟରେ ସେହି ପଟ ଦେଇ ଯାତାୟାତ କରୁଛନ୍ତି । ଏହା ବିଦ୍ଯୁତ୍ ବିଭାଗର ଦୃଷ୍ଟି ଆଢୁଆଳରେ ରହିଥିବା ବେଳେ ସାହି ବାସିନ୍ଦାଙ୍କ ଅଭିଯୋଗ ମଧ୍ୟ କାମ କରୁନଥିବା ଜଣାପଡ଼ିଛି । ତେଣୁ, ଅବିଳମ୍ବେ ଏହି ସମସ୍ଯାର ପ୍ରତିକାର ପାଇଁ ସର୍ବସାଧାରଣରେ ଦାବି ହେଉଛି ।