ବାରଣାସୀ ଉଚ୍ଚ ବିଦ୍ୟାଳୟରେ ୭୦ତମ କ୍ରୀଡା ଉତ୍ସବ ଉଦ୍ଘାଟିତ 

କାଶୀନଗର(ଅନନ୍ତ ଆପଟ )

ତା 28/11/24

ନଭେମ୍ବର ୨୮ତାରିଖ ରୁ ୩୦ ତାରିଖ ଯାଏଁ ବାରଣାସୀ ସରକାରୀ ଉଚ୍ଚ ବିଦ୍ୟାଳୟ ତରଫରୁ ୭୦ତମ ବାର୍ଷିକ ଖେଳକୁଦ ଉତ୍ସବ ଆଡମ୍ବର ସହକାରେ ଉଦ୍ଘାଟିତ ହୋଇଯାଇଅଛି । ଏହି ଉତ୍ସବକୁ କାଶୀନଗର ବ୍ଲକ ଅଧ୍ୟକ୍ଷା ବାଲା ଶାୟାମା ମୁଖ୍ୟଅତିଥି ରୂପେ ଯୋଗ ଦେଇ ବିଦ୍ୟାଳୟ ଖେଳରୁ ହିଁ ଜାତୀୟ ସ୍ତରର ଖେଳାଳୀ ସୃଷ୍ଟି ହୁଏ ବୋଲି ବକ୍ତବ୍ୟ ରଖିଥିଲେ । ଏହି ଉତ୍ସବରେ ବିଦ୍ୟାଳୟ ଖେଳ ମଶାଲକୁ ସ୍ଵାଗତ ଜଣାଇଥିଲେ ମୁଖ୍ୟବକ୍ତା ଆଦିକନ୍ଦ ଗମାଙ୍ଗ ଗୋଷ୍ଠୀ ଶିକ୍ଷା ଅଧିକାରୀ, ସମ୍ମାନିତ ଅତିଥି ତ୍ରିନାଥ ସାହୁ ଅତିରିକ୍ତ ତହସିଲଦାର ତଥା ନିର୍ବାହୀ ଅଧିକାରୀ, ବିଦ୍ୟାଳୟ ପରିଚାଳନା କମିଟି ତରଫରୁ ସଭାପତି ଶୁଭ୍ରାଂଶୁ ମୋହନ ପଣ୍ଡା, ଉପ ସଭାପତି ଶ୍ରୀରାମ ହେମଲତା, କାର୍ତ୍ତିକ ଶବର, ବୀନିୟମ୍ ଭୂୟାଁ, ପୁଣ୍ୟବତୀ ନଗବଂଶ, ସି ଆର ସି ସି

ଆର.ମଧୁ କୁମାର, ସାମ୍ବାଦିକ ଆନନ୍ଦ ପାତ୍ର ଆଦି ଅତିଥିଗଣ ମଂଚାସୀନ ହୋଇଥିଲେ.

ପ୍ରଧାନ ଶିକ୍ଷକ ଭାଗୀରଥି ବେହେରାଙ୍କ ତରଫରୁ ମିଳିଥିବା ସୂଚନା ଅନୁଯାୟୀ ଦୌଡ଼, ଡିଆଁ ଠାରୁ ଆରମ୍ଭ କରି ବିଭିନ୍ନ ପ୍ରତିଯୋଗିତା ବରିଷ୍ଠ ଓ କନିଷ୍ଠ ବିଭାଗ ମାଧ୍ୟମରେ ଚାରିଟି ହାଉସ ଭାଗ ନେବେ ଏବଂ ତିନି ଦିନ ଧରି ଚାଲିବ। ୩୦ ତାରିଖ ଦିନ ପୁରସ୍କାର ଉତ୍ସବ ଅନୁଷ୍ଠିତ ହେବ ଯେଉଁଥିରେ ସ୍ଥାନୀୟ ଅଧିକାରୀ ଏବଂ ପ୍ରତିନିଧି ଉପସ୍ଥିତ ରହି ପିଲାଙ୍କୁ ଉତ୍ସାହିତ କରିବେ ।

ଏହି ଖେଳ ଉତ୍ସବକୁ ଖେଳ ଶିକ୍ଷକ ଏ ମଧୁଙ୍କ ସଂଯୋଜନାରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ବିଦ୍ୟାଳୟ ଛାତ୍ର ସଂସଦର ସହଯୋଗ ନେଇ ଆୟୋଜନ ହୋଇଅଛି ।