କୋରାପୁଟର ଗୌରବ ଯୁବ କ୍ରିକେଟର୍ ସ୍ୱସ୍ତିକ୍ ସାମଲ୍..
କୋରାପୁଟ-୨୭/୧୧ କୋରାପୁଟ ପୂଜାରୀପୁଟ ରୋଡ଼ର ବାସିନ୍ଦା ଶ୍ରୀ ପୀୟୂଷ ପ୍ରକାଶ ସାମଲଙ୍କର ପୁତ୍ର ଓ ଅବସରପ୍ରାପ୍ତ ପ୍ରାଧ୍ୟାପକ ଡ. ଜଗବନ୍ଧୁ ସାମଲଙ୍କର ନାତି ଶ୍ରୀ ସ୍ୱସ୍ତିକ ସାମଲ ଓଡ଼ିଶାର ଜଣେ ସଫଳ କ୍ରିକେଟର୍ ଭାବେ ସୁନାମ ଅର୍ଜନ କରିଛନ୍ତି। ନିକଟରେ ଅନୁଷ୍ଠିତ ପ୍ରଥମ ଶ୍ରେଣୀ କ୍ରିକେଟ୍ ରଣଜୀ ଟ୍ରଫି ଓ ସୟଦ୍ ମୁସ୍ତାକ୍ ଅଲୀ ଟ୍ରଫିରେ ବିସ୍ଫୋରକ ଅର୍ଦ୍ଧଶତକ ଓ ଶତକମାନ ହାସଲ କରି ରାଜ୍ୟ ତଥା କୋରାପୁଟ ପାଇଁ ଗୌରବ ଆଣିଛନ୍ତି। ଗତ ୧୪ ନଭେମ୍ବରରେ କଟକ ବାରବାଟୀ ଷ୍ଟାଡ଼ିୟମ୍ରେ ଅନୁଷ୍ଠିତ ରଣଜୀ ଟ୍ରଫିରେ ଓଡ଼ିଶା ତରଫରୁ ମହାରାଷ୍ଟ୍ର ବିପକ୍ଷରେ ୨ଟି ଛକା ଓ ୯ଟି ଚୌକା ସହ ୧୧୮ ରନ୍ କରିଛନ୍ତି। ସେହିପରି ଗତ ୨୩ ତାରିଖରେ ବିଶାଖାପାଟଣା ଠାରେ ଅନୁଷ୍ଠିତ ଟି-୨୦ ସୟଦ୍ ମୁସ୍ତାକ୍ ଅଲ୍ଲୀ ଟ୍ରଫିରେ ସ୍ୱସ୍ତିକ୍ ବିସ୍ଫୋରକ ଅର୍ଦ୍ଧ ଶତକ ଓ ୨୫ ତାରିଖରେ ବିଜୟ ନଗରମ୍ ଠାରେ ଆକ୍ରମଣାତ୍ମକ ବ୍ୟାଟିଂ କରି ୬୩ ବଲ୍ରୁ ୬ଟି ଛକା ଓ ୮ଟି ଚୌକା ସହ ୧୦୫ ରନ୍ କରିଛନ୍ତି ଓ ପ୍ଲେୟାର୍ ଅଫ୍ ଦି ମ୍ୟାଚ୍ ପୁରସ୍କାର ପାଇଛନ୍ତି। ଏହାପୂର୍ବରୁ ସ୍ୱସ୍ତିକ୍ ୨୫ ବର୍ଷରୁ କମ୍ ଟେଷ୍ଟ୍ ଏ-ଟ୍ରଫି, କର୍ଣ୍ଣେଲ ସି.କେ. ନାଇଡୁ ଟ୍ରଫି, କଳାହାଣଣ୍ଡି କପ୍ ଓ ଓଡ଼ିଶା ଟି-୨୦ (ଓଡ଼ିଶା ପ୍ୟୁମାଜ୍) ଆଦି ଖେଳରେ ଅଧିନାୟକ ଓ ଓପନର୍ ଭାବେ ଖେଳି ନିଜର ପାରଦର୍ଶିତା ପ୍ରତିପାଦନ କରି ସାରିଛନ୍ତି। ସ୍ୱସ୍ତିକଙ୍କର ଏହି ସଫଳତା ପାଇଁ ତାଙ୍କର ବନ୍ଧୁ ପରିଜନ ଓ ସାଙ୍ଗସାଥୀ ମାନେ ଶୁଭେଚ୍ଛା ଜଣାଇଛନ୍ତି।
କୋରାପୁଟ ଜ଼ିଲ୍ଲା ପ୍ରତିନିଧି ଶ୍ରୀ ହରିଶ କୁମାର ପଟ୍ଟନାୟକ ଙ୍କ ରିପୋର୍ଟ ଉପାନ୍ତ ଖବର ଓଡିଶା
