ବୋଲଗଡ଼ ମହୋତ୍ସବ-ଆଶା-୨୦୨୪ କମିଟିର ନୂତନ ଅଧକ୍ଷ ଓ ସମ୍ବର୍ଦ୍ଧିତ ହେଲେ ବିଧାୟକ ପ୍ରଦୀପ ସାହୁ।
ବୋଲଗଡ଼,(ଉପାନ୍ତ ଖବର):ରାଜ୍ୟ ତଥା ରାଜ୍ୟ ବାହାରେ ଅଞ୍ଚଳର ପାରମ୍ପରିକ ସଂସ୍କୃତି,ଲୋକକଳା ବୈଭବ,ଭାଇଚାରା, ଗର୍ବ,ଗୌରବ ଓ ଗରିମାକୁ ଉଜ୍ଜୀବିତ କରିପାରିଛି ବୋଲଗଡ଼ ମହୋତ୍ସବ।ସୂଚନା ଯେ ୨୬ ଡିସେମ୍ବର ୨୦୦୪ ମସିହାରେ ଶିଶୁ ଭାବେ ବୋଲଗଡ଼ ମହୋତ୍ସବ ଜନ୍ମ ଗ୍ରହଣ କରି ଆଜି ଯୌବନରେ ପଦାର୍ପଣ କରିଛି।ଏହି ପାରମ୍ପରିକ ବୋଲଗଡ଼ ମହୋତ୍ସବର ପ୍ରାଣ ପ୍ରତିଷ୍ଠାତା ସ୍ବର୍ଗତ ଜାନକୀ ବଲ୍ଲଭ ପାଢ଼ୀ ଓ କର୍ମକର୍ତ୍ତା ତଥା କମିଟିର ନିଷ୍ପତି ଥିଲା ଏହି କି
ଯେ ଅଞ୍ଚଳର ନିର୍ବାଚିତ ଜନପ୍ରତିନିଧି ବିଧାୟକ ମହୋତ୍ସବ କମିଟିର ଅଧକ୍ଷ ଦାୟୀତ୍ୱ ବହନ କରିବେ।ଏହି ପାରମ୍ପରିକ ନୀତିନିୟମ ଆଦିକୁ ବଜାୟ ରଖି ରବିବାର ସ୍ଥାନୀୟ ମିନି ଷ୍ଟାଡିୟମ ଠାରେ କମିଟି ଦ୍ଵାରା ଆୟୋଜିତ ଏକ ସାଧାରଣ ସଭାରେ ବିଧାୟକ ପ୍ରଦୀପ କୁମାର ସାହୁ ବୋଲଗଡ଼ ମହୋତ୍ସବର ନୂତନ ଅଧକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି।ଏହି ପରିପ୍ରେକ୍ଷୀରେ କମିଟି ପକ୍ଷରୁ ବିଧାୟକ ଶ୍ରୀ
ସାହୁଙ୍କୁ ସମ୍ବର୍ଦ୍ଧିତ କରାଯାଇଛି।ଏହି ସାଧାରଣ ସଭାରେ କାର୍ଯ୍ୟକାରୀ ସଭାପତି ରବୀନ୍ଦ୍ର ପରିଡା ସଭାପତିତ୍ୱ କରିଥିଲେ। ଏଥିରେ ସାଧାରଣ ସମ୍ପାଦକ ବୀର ଦାସ,ବରିଷ୍ଠ ସଦସ୍ୟ ଲଲାଟେନ୍ଦୁ କେଶରୀ ସିଂହ, ପ୍ୟାରୀ ମୋହନ ଦାସ,ପୂର୍ବତନ ବ୍ଲକ ଅଧକ୍ଷ ବାନାମ୍ବର ମାଝିଓ ସନାତନ ପାଟ୍ଟଶାଣୀ ପ୍ରମୁଖ
ମଞ୍ଚାସିନ ଥିଲେ।ସେହିପରି ଏହି ସଭାରେ ବ୍ଲକର ୧୯ଗୋଟି ପଂଚାୟତର ଜନପ୍ରତିନିଧି
ସରପଞ୍ଚ,ବ୍ଲକ ନୋମିନ,ବରିଷ୍ଠ ନାଗରିକ,ଆଇନଜୀବି,ଗଣମାଧ୍ୟମର ପ୍ରତିନିଧି, ବ୍ଳକବିଜେଡି ମହିଳା
ସଭାପତି,ବିଜେପି ଓ କଂଗ୍ରେସ ବ୍ୟକ୍ତି ବିଶେଷଙ୍କ ସମେତ ଅଂଚଳର ପ୍ରମୁଖ ବ୍ୟକ୍ତି ବିଶେଷ ମାନେ ଉପସ୍ଥିତ ଥିଲେ।ଶେଷରେ
କମିଟିର ବରିଷ୍ଠ ସଦସ୍ୟ ପ୍ରଫୁଲ୍ଲ ମହାନ୍ତି ଧନ୍ୟବାଦ ଅର୍ପଣ କରିଥିଲେ।
(ରିପୋର୍ଟ-ସୁଶାନ୍ତ କୁମାର ପ୍ରଧାନ।)
