ପୁରୀ ଇଷ୍ଟକୋଷ୍ଟ ରେଲୱେ ଠିକା ମଜୁଦୁର ସଂଘ ର ବାର୍ଷିକ ସମ୍ମିଳନୀ ଅନୁଷ୍ଠିତ l

ଆଜି ପୁରୀ ରେଲୱେ କଲ୍ୟାଣ ମଣ୍ଡପ ଠାରେ ପୁରୀ ଇଷ୍ଟକୋଷ୍ଟ ରେଲୱେ ଠିକା ମଜଦୁର ସଂଘର ବାର୍ଷିକ ସମ୍ମିଳନୀ ମହାଆଡ଼ମ୍ବର ରେ ପାଳନ କରାଯାଇଛି l ଏହି କାର୍ଯ୍ୟକ୍ରମ ରେ ମୁଖ୍ୟଅତିଥିଭାବେ ଭାରତୀୟ ମଜଦୁର ସଂଘର ରାଷ୍ଟ୍ରୀୟ କାର୍ଯ୍ୟକାରୀ ସଦସ୍ୟ ବିନୟ କୁମାର ତ୍ରିପାଠୀ, ସଂଗଠନ ସମ୍ପାଦକ ଲକ୍ଷ୍ମଣ ଦାସ, ସମ୍ମାନିତ ଅତିଥିଭାବେ ରିଜିଅନାଲ ଡାଇରେକ୍ଟର ESIC ଭୁବନେଶ୍ୱର ର ରଞ୍ଜନ କୁମାର ଦାସ, ସୁକାନ୍ତ କୁମାର ଦାସ, ପୁରୀ ଇଷ୍ଟକୋଷ୍ଟ ରେଲୱେ ଠିକା ମଜଦୁର ସଂଘର ଆଇନ ପରାମର୍ଶଦାତା ଡ଼କ୍ଟର ପ୍ରଧାନ ଧିରେନ ରାୟ, ପୁରୀ ଶାଖା ସଭାପତି ଦେବୀପ୍ରସାଦ ତ୍ରିପାଠୀଙ୍କ ସହିତ ମାନ୍ୟଗଣ ବ୍ୟକ୍ତିତ୍ୱମାନେ ମଞ୍ଚାସିନ ହୋଇ ଠିକା କର୍ମଚାରୀ ମାନଙ୍କ ଚାକିରୀ କିଭଳି ସ୍ଥାୟୀ ସରକାରୀ ଚାକିରୀ ହେବ ସେବିଷୟରେ ନିଜ ନିଜର ମତାମତ ଦେଇଥିଲେ l ରେଲୱେ ଯାତ୍ରୀମାନଙ୍କୁ କିଭଳି ଉଚ୍ଚ ମାନର ସେବା ଯୋଗାଇ ଦିଆଯିବ ସେଥିପାଇଁ ସମସ୍ତ ଠିକା କର୍ମଚାରୀ ସଂକଳ୍ପ ନେଇଥିଲେ l ଏହି କାର୍ଯ୍ୟକ୍ରମ ରେ ଠିକା କର୍ମଚାରୀମାନେ ତାଙ୍କର ପାଞ୍ଚଦଫା ଦାବି ଉପସ୍ଥାପନ କରିଥିଲେ l ପରେପରେ ଚଳିତ ବର୍ଷ ନୂତନ କର୍ମକର୍ତ୍ତା ଚୟନ କରାଯାଇଥିଲା l ନୂତନ କର୍ମକର୍ତ୍ତା ସଭାପତି ଭାବେ ଉପେନ୍ଦ୍ର ବିଶୋଇ, ଉପସଭାପତି ସପନ କୁମାର ଘାତକ, କାର୍ଯ୍ୟକାରୀ ସଭାପତି ଟି ସୀମାଦ୍ରୀ ରେଡି, ସାଧାରଣ ସମ୍ପାଦକ କେ ସନ୍ତୋଷ ପ୍ରଧାନ, ପରିଚାଳନା କମିଟି ପାଇଁ ଦେବୀପ୍ରସାଦ ତ୍ରିପାଠୀ, ଏମ ଡି ଜାଭେଦ ଅଲି, କୋଷାଧକ୍ଷ ଭାବେ ଦୁର୍ଗାପ୍ରସାଦ ଆଚାରୀ ଓ ଧିରେନ ସ୍ୱାଇଁ ପ୍ରମୁଖ ଦାୟିତ୍ୱ ଗ୍ରହଣ କରିଛନ୍ତି l

ପୁରୀରୁ ରମେଶ ସାହୁଙ୍କ ରିପୋର୍ଟ