ନବରଙ୍ଗପୁର ଜିଲ୍ଲା ଉମରକୋଟ ଅନ୍ତର୍ଗତ ଦେଓବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଶିକ୍ଷକଙ୍କୁ ଭାବ ବିହୁଳ ଅବସରକାଳୀନ ସମ୍ବର୍ଦ୍ଧନା…….

ନବରଙ୍ଗପୁର:-(ଏମ୍.ଦିନା°ଶୁ ଆଚାରୀ) ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ୍ ବେହେଡ଼ା କ୍ଲଷ୍ଟର ଅନ୍ତର୍ଗତ ଦେଓବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ନିମାଇ ବିଶ୍ବାସଙ୍କୁ ଛାତ୍ରଛାତ୍ରୀ, ଅଭିଭାବକ ଏବଂ ଶିକ୍ଷକଙ୍କ ଦ୍ବାରା ଭାବ ବିହୁଳ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି । ବେହେଡ଼ା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ବିଷ୍ଣୁ ପ୍ରସାଦ ସାହୁଙ୍କ ନେତୃତ୍ବରେ ଦେଓବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟରେ ଆୟୋଜିତ ଏକ ସଭାରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଏବଂ ଗ୍ରାମବାସୀଙ୍କ ସମେତ କ୍ଲଷ୍ଟର ର ବିଭିନ୍ନ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ପ୍ରଧାନ ଶିକ୍ଷକ ନିମାଇ ବିଶ୍ବାସଙ୍କୁ ମାନପତ୍ର ଓ ଉପଢୌକନ ପ୍ରଦାନ କରି ସମ୍ବର୍ଦ୍ଧିତ କରିବା ସହ ନିଜ ନିଜ ଅନୁଭୁତି ସମ୍ପର୍କରେ ସମସ୍ତଙ୍କୁ ଅବଗତ କରାଇଥିଲେ । ୦୪/୧୦/୧୯୬୪ମସିହାରେ ଉମରକୋଟ ବ୍ଲକ୍ ୟୁ.ଭି-୫ ଗ୍ରାମରେ ଜନ୍ମ ଗ୍ରହଣ କରିଥିବା ନିମାଇ ବିଶ୍ବାସ ନିଜ ଚାକିରି ଜୀବନ କୋରାପୁଟ ଜିଲ୍ଲା ବୌପାରିଗୁଡା ବ୍ଲକ୍ ମାଝିଗୁଡା ଗ୍ରାମ ପଞ୍ଚାୟତ ଅନ୍ତର୍ଗତ ଟିକରାପଡା ପ୍ରାଥମିକ ସ୍କୁଲରୁ ୧୮/୦୧/୧୯୯୨ରେ ଆରମ୍ଭ କରିଥିଲେ ଓ ପରେ ସେଠାରୁ ବଦଳି ହୋଇ ନବରଙ୍ଗପୁର ଜିଲ୍ଲାକୁ ଆସିଥିଲେ ଏବଂ ୧୧/୦୮/୨୦୦୫ ମସିହାରେ ଦେଓବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଭାବେ ଯୋଗ ଦେଇଥିଲେ । ବିଦ୍ୟାଳୟ ଆରମ୍ଭରୁ ଦୀର୍ଘ ୧୯ବର୍ଷ ଧରି ଦେଓବନ୍ଧ ସ୍କୁଲରେ ନିଷ୍ଠାର ସହ କାର୍ଯ୍ୟ କରି ଛାତ୍ରଛାତ୍ରୀ ଓ ଗ୍ରାମବାସୀଙ୍କ ମନରେ ଏକ ସ୍ବତନ୍ତ୍ର ସ୍ଥାନ କରିପାରିଥିବା ପ୍ରଧାନ ଶିକ୍ଷକଙ୍କୁ ଆଜି ଭାବ ବିହୁଳ ଅବସରକାଳୀନ ସମ୍ବର୍ଦ୍ଧନା ଦେଇଛନ୍ତି ଗ୍ରାମବାସୀ । ଏହି ଅବସର ରେ ନିମାଇ ବିଶ୍ବାସ ନିଜ ଶିକ୍ଷକ ଜୀବନର ଶେଷ ବାର୍ତ୍ତା ଭାବେ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀ, ଗ୍ରାମବାସୀ ଓ ଛାତ୍ରଛାତ୍ରୀଙ୍କୁ ଶିକ୍ଷା, ସଂସ୍କାର ଏବଂ ଦେଶ ପ୍ରେମ ପ୍ରତି ଜାଗୃତ ହୋଇ କାର୍ଯ୍ୟ କରିବାକୁ ଆହ୍ବାନ ଦେଇଥିଲେ । ଗୁରୁଙ୍କ ଅବସର କଥା ଶୁଣି ଆଜି ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଓ ଅଭିଭାବକ ବିଦ୍ୟାଳୟରେ ଏକାଠି ହୋଇ ଗୁରୁଙ୍କ ବନ୍ଦନା କରିଥିଲେ ଓ କାନ୍ଦି କାନ୍ଦି ବିଦାୟ ଜଣାଇଥିଲେ । ଏହି ଅବସର ରେ ବେହେଡା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରିନ୍ସପାଲ ସଞ୍ଜୟ କୁମାର ସାମଲ, ସିଉନାଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଟୁଟୁବାବୁ ପଟ୍ଟନାୟକ, ନୂଆଗୁଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବିମଲ କୁମାର ବାରୋଇ, ତୁମ୍ବରଲିଆଗୁଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଘନେଶ୍ୱରୀ ସାଙ୍ଗନା, ସିରାଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରାମକୁମାର ମାଝୀ, ଦାଇବେଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରମେଶ ଚଦ୍ର ଓଝା, ଲିମାଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଫନୀନ୍ଦ୍ର ଗାଇନ ଏବଂ ଦେଓବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ରତିରାମ ପୂଜାରୀଙ୍କ ସମେତ ବେହେଡ଼ା କ୍ଲଷ୍ଟର ର ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଓ ସହକାରୀ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ପ୍ରଧାନ ଶିକ୍ଷକ ନିମାଇ ବିଶ୍ବାସଙ୍କୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରିଥିଲେ ।