ଡ୍ୟୁଟିରେ ଥାଇ ଟଳି ପଡିଲେ ହୋମଗାର୍ଡ

ବୁଗୁଡ଼ା : ତା ୨୫/୦୨/୨୩ : ବୁଗୁଡ଼ା ଥାନାରେ କାର୍ଯ୍ୟରତ ଥିବା ଜଣେ ହୋମଗାର୍ଡଙ୍କ ଆଜି ମୃତ୍ୟୁ ଘଟିଛି l ମୃତ ହୋମଗାର୍ଡ ହେଲେ ପାଙ୍ଗିଡ଼ି ଗ୍ରାମର ରଘୁନାଥ ନାୟକ(୫୨ ) । ରଘୁନାଥ ଆଜି ବୁଗୁଡ଼ା କୋର୍ଟ ନିକଟରେ ତାଙ୍କର ଟ୍ରାଫିକ ଡ୍ୟୁଟି କରୁଥିବା ବେଳେ ଅପରାହ୍ନ ୩ଟା ବେଳେ ହଠାତ ଅସୁସ୍ଥ ହୋଇ ପଡ଼ିଥିଲେ l ତାଙ୍କୁ ତୁରନ୍ତ ବୁଗୁଡ଼ା ମେଡିକାଲକୁ ଅଣାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ପୋଲିସ ମେଡିକାଲରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ନିମନ୍ତେ ପଠାଇ ଥିବା ଜଣା ପଡିଛି l