ଅର୍ଦ୍ଧ ପାଗଳ ପୁଅ ନିଖୋଜ ନେଇ ଥାନାରେ ମା’ର ଅଭିଯୋଗ…
ବୁଗୁଡ଼ା :ବୁଗୁଡ଼ା ଥାନା ବିରଞ୍ଚିପୁର ପଞ୍ଚାୟତ ଅନ୍ତର୍ଗତ ଜଗତ ପାଟଣା ଗ୍ରାମର ଜନୈକ ଅର୍ଦ୍ଧ ପାଗଳ ଯୁବକ ନିଖୋଜ ନେଇ ଥାନାରେ ଅଭିଯୋଗ ହୋଇଛି । ନିଖୋଜ ଅର୍ଦ୍ଧ ପାଗଳ ଯୁବକ ଜଣକ ହେଲେ ଡାକ୍ତର ଗୌଡ(୩୫) । ପ୍ରକାଶ ଯେ , ଗତ ୨୭ ତାରିଖ ମଧ୍ଯରାତ୍ରରୁ ଡାକ୍ତର କେଉଁ ଆଡେ ଚାଲିଯାଇଥିବା ବେଳେ ପରିବାର ଲୋକେ ତାକୁ ବହୁତ ଖୋଜାଖୋଜି କରିଥିଲେ ସୁଦ୍ଧା ତାହାର କୌଣସି ପତ୍ତା ପାଇପାରିନାହାନ୍ତି । ଶେଷରେ ନିରାଶ ହୋଇ ମାଆ ଲକ୍ଷ୍ମୀ ଗୌଡ ପୁଅର ନିଖୋଜ ହୋଇଥିବା ନେଇ ଥାନାରେ ଏତଲା ଦାଏର୍ କରିଥିବା ଜଣାଯାଇଛି ।
