ଉଲୁଣ୍ଡା ବ୍ଲକର ବିଭିନ୍ନ ପଂଚାୟତରେ ହକି ରଥକୁ ବିପୁଳ ସ୍ୱାଗତ ସମ୍ବର୍ଦ୍ଧନା

ଉଲୁଣ୍ଡା – ରଙ୍ଗାରଙ୍ଗ କାର୍ଯ୍ୟକ୍ରମ ଓ ଆତସବାଜି ଧ୍ବନିରେ ଗତକାଲି ବାରବାଟି ଷ୍ଟାଡିୟମରେ ବିଶ୍ଵ ହକିକପ ପ୍ରତିଯୋଗିତା ଉଦଘାଟନ ହୋଇସାରି ଥିବା ବେଳେ ଆସନ୍ତା ୧୩ତାରିଖରୁ ରାଜ୍ୟର ଭୁବନେଶ୍ୱର ସ୍ଥିତ କଳିଙ୍ଗ ଷ୍ଟାଡିୟମ ଓ ରାଉରକେଲା ସ୍ଥିତ ବିର୍ସାମୁଣ୍ଡା ଷ୍ଟାଡିୟମରେ ଅନୁଷ୍ଟିତ ହେବ ବିଶ୍ଵ ସ୍ତରୀୟ ହକି ମହାକୁଂଭ ।ଏଥିରେ ଯୋଗଦେଇଥିବା ଦେଶ ବିଦେଶର ଖେଳାଳି ମାନଙ୍କ ପ୍ରତିଭା ପ୍ରଦର୍ଶନ ଦେଖିବା ସହିତ ତାଙ୍କୁ ଉତ୍ସାହିତ କରିବା ଏବଂ ହକି ଖେଳର ବାର୍ତା ଘରେ ଘରେ ପହଞ୍ଚାଇବା ନେଇ ସାରା ରାଜ୍ୟର କୋଣ ଅନୁକୋଣରେ ହକି ବିଶ୍ଵକପ ସଚେତନତା ରଥ ପରିକ୍ରମା କରୁଛି ।ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ହେଲା ହକିପୁର ସଚେତନତା ରଥ ଉଲୁଣ୍ଡା ବ୍ଲକର ପହଞ୍ଚିବା ପରେ ବିଭିନ୍ନ ପଂଚାୟତରେ ବ୍ୟାପକ ଭାବେ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି ।ଆଜି ସକାଳ 10 ଟା ସମୟରେ କାଡୋଦାର ଗ୍ରାମ ପଂଚାୟତ ରେ ସଚେତନତା ରଥକୁ ସ୍ଥାନୀୟ ସରପଞ୍ଚପ୍ରିୟଙ୍କା ପ୍ରିୟ ଦର୍ଶିନୀ ପାଢୀ, କାର୍ଯ୍ୟନିର୍ବାହୀଅଧିକାରୀ ସୁଜିତ କୁମାର ବେହେରା ସ୍କୁଲର ଶିକ୍ଷକ ଶିକ୍ଷୟିତ୍ରୀ ତଥା ଛାତ୍ରଛାତ୍ରୀ,ସ୍ଵୟଂ ସହାୟକ ଗୋଷ୍ଠୀ ସଦସ୍ୟା,ଅଙ୍ଗନୱାଡ଼ି କର୍ମୀ,ସ୍ବେଚ୍ଛାସେବୀ ସଙ୍ଗଠନ କର୍ମକର୍ତ୍ତା ମାନେ ଶୋଭାଯାତ୍ରାରେ ରଥକୁ ପାଛୋଟି ଗ୍ରାମ ପରିକ୍ରମା କରି ଥିଲେ । ପରେ ସଚେତନତା ରଥ ବ୍ଲକର ବିଶିପଡା , ଲସ୍ତଲା, ଉଲୁଣ୍ଡା, ମୁଣ୍ଡୋଘାଟ ରକ୍ସା, ନିମ୍ନା, ଉଲୁଣ୍ଡା ଆଦି ଗ୍ରାମ ପଞ୍ଚାୟତ ପରିକ୍ରମା କରିଥିବା ବେଳେ ସେଠାରେ ସ୍ଥାନୀୟ ସରପଞ୍ଚ,କାର୍ଯ୍ୟ ନିର୍ବାହୀ ଅଧିକାରୀ,ପଞ୍ଚାୟତ କର୍ତ୍ତୃପକ୍ଷ ଗ୍ରାମବାସୀ ସ୍କୁଲ ଛାତ୍ର ଛାତ୍ରୀ ଙ୍କ ତରଫରୁ ଭବ୍ୟ ସ୍ଵାଗତ ଦିଆଯାଇଥିଲା।