ହକି ମାନିଆ- ସୁସଜ୍ଜିତ ବାଳ ନିକେତନରେ ହକି କୁ ନେଇ କାର୍ଯ୍ୟକ୍ରମ
ଗୁଣୁପୁର,-(ସୁରେନ୍ଦ୍ର ମହାନ୍ତି )ରାୟଗଡା ଜିଲ୍ଲା ଗୁଣୁପୁର ବ୍ଲକ୍ ଲିମାମେଡା ଠାରେ ଥିବା ବାଳ ନିକେତନ ଶିଶୁଯତ୍ନ ଅନୁଷ୍ଠାନ ରେ ଦେଖିବାକୁ ମିଳିଛି ବିଶ୍ୱକପ ହକି ମାନିଆ । ଅନୁଷ୍ଠାନ ପରିସରକୁ ରଙ୍ଗୀନ ଆଲୋକମାଳାରେ ସୁସଜ୍ଜିତ କରାଯାଇଛି । ଅନ୍ତେବାସୀ ଓ କର୍ମଚାରୀ ଙ୍କୁ ହକି ଲୋଗ ପୋଷାକ ପ୍ରଦାନ କରାଯାଇଛି । ହକି ଓ ଓଡିଶା ସମ୍ପର୍କୀୟ ଆଲୋଚନା ଚକ୍ର ଆଜି ଆୟୋଜନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ଅନୁଷ୍ଠାନ ସଭାପତି ଏଲ ସୁରେଶ ଓ ସମ୍ପାଦିକା ରଶ୍ମିରେଖା ମହାନ୍ତି ଯୋଗ ଦେଇ ହକି ଖେଳକୁ ଓଡ଼ିଶାର ଅବଦାନ ସମ୍ପର୍କରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବେ ଅନୁଷ୍ଠାନ ର ଆଜୀବନ ସଦସ୍ୟ ଏଲ ସେଶୁଗିରି, ପି ଗଣେଶ ଓ ଅନୁଷ୍ଠାନ ପ୍ରତିଷ୍ଠାତା ବାଞ୍ଛାନିଧି ମହାନ୍ତି ଯୋଗଦେଇଥିବା ବେଳେ ଲିମାମେଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ବୃନ୍ଦ ଓ ଛାତ୍ରଛାତ୍ରୀ ଆଲୋଚନା ଚକ୍ର ରେ ଅଂଶ ଗ୍ରହଣ କରିଥିଲେ । ଅନୁଷ୍ଠାନ ପରିସର ବୁଲି ଦେଖି ବିଦ୍ୟାଳୟ ଛାତ୍ରଛାତ୍ରୀ ହକି ସମ୍ପର୍କରେ ଅନେକ କଥା ଜାଣିପାରିଲୁ ବୋଲି କହିଥିଲେ । ଆଜି ବିଶ୍ୱକପ ହକି ଉଦଘାଟନ ହେବାକୁ ଯାଉଥିବା ବେଳେ ଏହାର ସିଧା ପ୍ରସାରଣ ବ୍ୟବସ୍ଥା ଗ୍ରହଣ କରାଯାଇଛି । ଆସନ୍ତା ୨୯ ତାରିଖ ଯାଏଁ ଏଭଳି ବିଭିନ୍ନ କାର୍ଯ୍ୟକ୍ରମ ଚାଲୁ ରହିବା ସମ୍ପର୍କରେ ଅନୁଷ୍ଠାନ ପରିଚାଳକ ସୂଚନା ଦେଇଥିଲେ ।
