ଆନନ୍ଦ ବୈଦିକ ସଂସ୍କୃତ ବିଦ୍ୟାଳୟ ଉଦଘାଟିତ

ଆନନ୍ଦ ବୈଦିକ ସଂସ୍କୃତ ବିଦ୍ୟାଳୟ ଉଦଘାଟିତ
ବୁଗୁଡ଼ା : ତା ୧୫/୦୭/୨୩ : ବୁଗୁଡ଼ା ବ୍ଲକ ଅନ୍ତର୍ଗତ କରଚୁଲି ଗ୍ରାମସ୍ଥ ବ୍ୟାଘ୍ରମ୍ବରୀ ମଠରେ ଆନନ୍ଦ ବୈଦିକ ସଂସ୍କୃତ ବିଦ୍ୟାଳୟର ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି l ବୈଦିକ ହୋମ ଓ ପୂଜାବିଧି ପରେ ସନ୍ଥ ଚିନ୍ମୟାନନ୍ଦ ପ୍ରଦୀପ ପ୍ରଜ୍ବଳନ ପୂର୍ବକ ବିଦ୍ୟାଳୟର ଉଦଘାଟନ କରିଥିଲେ l ଉକ୍ତ ଉତ୍ସବରେ ଅବସରପ୍ରାପ୍ତ ପ୍ରଧାନ ଶିକ୍ଷକ ଗୋପାଳ ଚନ୍ଦ୍ର ନାୟକ ଅଧ୍ୟକ୍ଷତା କରିଥିଲା ବେଳେ ମୁଖ୍ୟ ଅତିଥି ଭାବେ ଲୋଚାପଡା ମଠର ମହନ୍ତ ଚିନ୍ମୟାନନ୍ଦ ଦାସ , ମୁଖ୍ୟ ବକ୍ତା ଭାବେ ବ୍ରହ୍ମପୁର ବେଦ ବିଦ୍ୟାଳୟ ଅଧ୍ଯକ୍ଷ ମନୋଜ କୁମାର ପାଣିଗ୍ରାହୀ , ସମ୍ମାନିତ ଅତିଥି ଭାବେ କବି ଅନନ୍ତ କର, ବୈଦିକ ବ୍ରାହ୍ମଣ ସମତିର ବ୍ଲକ ସଭାପତି କାଳିଚରଣ ମିଶ୍ର ଓ ଅଧ୍ୟାପକ ବିଭୁତି ମିଶ୍ର ପ୍ରମୁଖ ଯୋଗ ଦେଇ ବୈଦିକ ଗୁରୁକୁଳ ଶିକ୍ଷା ସମାଜ ପାଇଁ ନିତାନ୍ତ ଆବଶ୍ୟକ ବୋଲି ମତବ୍ୟକ୍ତ କରିଥିଲେ l ହୃଷିକେଶ ସାହୁ ବେଦ ବିଦ୍ୟାଳୟ ସ୍ଥାପନର ଉଦ୍ଦେଶ୍ୟ ଜ୍ଞାପନ କରିଥିଲେ । ଏହି କାର୍ଯ୍ୟକ୍ରମର ପ୍ରାରମ୍ଭରେ ଶିକ୍ଷକ ଜୟନ୍ତ କୁମାର ପଟ୍ଟନାୟକ ଅତିଥି ପରିଚୟ ପ୍ରଦାନ କରିଥିବା ବେଳେ ପରିଶେଷରେ ଅଶୋକ ନନ୍ଦ ଧନ୍ୟବାଦ ଅର୍ପଣ କରିଥିଲେ ।