ତୁଲଣ୍ଡି ରେ ୯୭ ତମ ଗିରି ଗୋବର୍ଦ୍ଧନ ପୁଜା ମହୋତ୍ସବ
ବରପାଲି ,୯/୧୧-(ସୁଦାମ ଦୀପ)- ବରଗଡ ଜିଲ୍ଲା ବରପାଲି ବ୍ଲକ ତୁଲଣ୍ଡି ଗ୍ରାମ ଠାରେ ଆଜି ୯୭ ତମ ଗିରି ଗୋବର୍ଦ୍ଧନ ପୁଜା ମହୋତ୍ସବ ମହା ସମାରୋହରେ
ଉଦଯାପିତ ହୋଇଯାଇଛି।ଏହି ପୂଜା କାର୍ଯ୍ୟକ୍ରମରେ କର୍ତ୍ତା ଭାବରେ ରାଘବ ଭୋଇ, ଧବଳେଶ୍ୱର ସାହୁ ଓ ତାଙ୍କ ଧର୍ମପତ୍ନୀ କାର୍ଯ୍ୟ ନିର୍ବାହ କରିଥିବା ବେଳେ ଏହି ମହୋତ୍ସବ ଅନୁଷ୍ଠିତ ହୋଇଥିଲା ।ପ୍ରଥମ ସକାଳ ସମୟରେ ଗ୍ରାମର ସହସ୍ରାଧିକ ମହିଳା ମାନଙ୍କ ଦ୍ଵାରା କଳସ ଶୋଭାଯାତ୍ରା ଗ୍ରାମ ପରିକ୍ରମା କରି ମନ୍ଦିରରେ ପୂଜାର୍ଚ୍ଚନା କରିଥିବା ବେଳେ ଉଦଯାପନୀ ଉତ୍ସବ ରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଥିବାବେଳେ ବିଜେପୁର ବିଧାୟକ ସନତ ଗଡତିଆ, ପୂର୍ବତନ ବିଧାୟକ ଅଶୋକ ପାଣିଗ୍ରାହୀ, କଂଗ୍ରେସ ନେତା ଅଭିଷେକ ସେଠ୍ ,ସରପଞ୍ଚ ମାନସ ରଞ୍ଜନ ବଢାଇ,ସମିତି ସଭ୍ୟ ଉପେନ୍ଦ୍ର ବାଗ ପ୍ରମୁଖ ଉତ୍ସବ ରେ ଯୋଗ ଦେଇଥିଲେ।ଏହି ପୂଜା ମହୋତ୍ସବ ୯୭ ବର୍ଷ ରେ ପଦାର୍ପଣ କରିଥିବା ବେଳେ ଏହି ଅବସରରେ ମିନାବଜାର ଦୋଳି ମେଣ୍ଢା ଲଢେଇ ଭକ୍ତ ଓ ଦର୍ଶକ ମାନଙ୍କୁ ବେସ୍ ଆକର୍ଷଣ କରିଥିଲା। ଏହି ଯାତ୍ରା ମହୋତ୍ସବ କୁ କମିଟି ର ସଭାପତି ଉପେନ୍ଦ୍ର ବାଗ ,ସମ୍ପାଦକ ଋତୁରାଜ ବେହେରା ,ଗୌନ୍ତିଆ ଲୋକନାଥ ତ୍ରିପାଠୀ,ନେପାଲ ଥପା,ପଦ୍ମଲୋଚନ ପଟେଲ, ସୁଦାମ ଶତପଥୀ, ଦେବରାଜ ଭୋଇ,ସୁଶାନ୍ତ ଦାସ,ଅସ୍ପିନି ରଥ, କମଲେଶ ଭୋଇ ଓ ଗ୍ରାମବାସୀ ପ୍ରମୁଖ ଉତ୍ସବକୁ ପରିଚାଳନା କରିଥିଲେ।ଏହି ଉତ୍ସବ ରେ ହଜାର ହଜାର ମହିଳା ଓ ପୁରୁଷ ଭକ୍ତ ମାନେ ଯୋଗଦାନ କରିଥିବାର ଦେଖିବାକୁ ମିଳିଛି।
