ଅନ୍ତଃରାଷ୍ଟ୍ରୀୟ ମାନବାଧିକାର ସଂଗଠନର ଦଶମ ପ୍ରତିଷ୍ଠା ଦିବସ ।
ଅନ୍ତଃରାଷ୍ଟ୍ରୀୟ ମାନବାଧିକାର ଏବଂ ଅପରାଧ ନିୟନ୍ତ୍ରଣ ସଂଗଠନର ୧୦ମ ପ୍ରତିଷ୍ଠା ଦିବସ ପୁରୀ ସଂସ୍କୃତି ଭବନ ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ଡିସେମ୍ବର ୨୭ ଠାରୁ ଡିସେମ୍ବର ୨୯ ତାରିଖ ପର୍ଯ୍ୟନ୍ତ ଚାଲିବ । ଏହି କାର୍ଯ୍ୟକ୍ରମ ରେ ବିଭିନ୍ନ ରାଜ୍ୟରୁ ଆସିଥିବା ରାଜ୍ୟ ସଭାପତିମାନେ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ସଂଗଠନର ଜାତୀୟ ସାଧାରଣ ସମ୍ପାଦକ ତଥା ଓଡ଼ିଶା ରାଜ୍ୟ ସଭାପତି ଧନେଶ୍ଵର ବେହେରା ଅତିଥିମାନଙ୍କୁ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧିତ କରିଥିଲେ । ପ୍ରତିଷ୍ଠା ଦିବସରେ ସଂଗଠନର ରାଷ୍ଟ୍ରୀୟ ସଭାପତି ଅଜୟ କୁମାର ତିୱାରୀ , ସମ୍ପାଦକ ବିଜୟ କୁମାର ତିୱାରୀ ଯୋଗ ଦେଇ ସଂଗଠନର କାର୍ଯ୍ୟକ୍ରମ ଓ ଆଭିମୁଖ୍ୟ ବିଷୟରେ ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମରେ ଭାରତର ବିଭିନ୍ନ ରାଜ୍ୟରୁ ଆସିଥିବା ପ୍ରତିନିଧିମାନେ ଯଥାକ୍ରମେ ଯୁଗଳ କିଶୋର, ଦିଲ୍ଲୀ ସଭାପତି ଅଧିବକ୍ତା ଶ୍ୟାମଫୁଲ ଭାରତୱାଜ, ଏମ ଡି ବାରିସୀ ପଠାନ, ଡ଼ଃ ସଲମା ଯାମଳ, ମହେଶ ଆଚରୀୟ, ପ୍ରମୁଖ ଯୋଗ ଦେଇଥିଲେ । କାର୍ଯ୍ୟକ୍ରମକୁ ଗଣମାଧ୍ୟମ ସେଲର ସଂଯୋଜକ ରୂପକ ସ୍ୱାଇଁ ଓ ପ୍ରଶାନ୍ତ କାଣ୍ଡି ସଂଯୋଜନା କରିଥିଲେ । ଏହି ଅବସରରେ ଓଡିଶୀ, ଝାଡାଖଣ୍ଡି ନୃତ୍ୟ ଏବଂ ଅନେକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ପୁରୀରୁ ରମେଶ ସାହୁଙ୍କ ରିପୋର୍ଟ l
