ଗୁମ୍ମା ବ୍ଲକ ରେ ବିଜେଡି ଦଳ ର ବନ୍ଧୁ ମିଳନ ଆଳରେ ଶକ୍ତି ପ୍ରଦର୍ଶନ.

କାଶୀନଗର (ଅନନ୍ତ ଆପଟ )

ତା 30/11/24

ଗଜପତି ଜିଲ୍ଲା ଗୁମ୍ମା ବ୍ଲକ ର ହଟାପଦା ଗ୍ରାମ ଠାରେ ପାରଳାଖେମୁଣ୍ଡି ବିଧାୟକ ବିଜୁ ଜନତା ଦଳ ତରଫରୁ ଏକ ବନ୍ଧୁ ମିଳନ କାର୍ଯ୍ୟକ୍ରମ କରି ଦଳ ତାର ପତିଆରା ପ୍ରଦର୍ଶନ କରିବାକୁ ସକ୍ଷମ ହୋଇଛି. ବ୍ଲକ ଅଧ୍ୟକ୍ଷା ସୁନେମି ମଣ୍ଡଳ ଅନାସ୍ଥା ରେ ନିଜ ପଦବୀ ବଜାୟ ରଖିବା ପରେ ବିଧାୟକ ରୁପେଶ ପାଣିଗ୍ରାହୀ ଗୁମ୍ମା ବ୍ଲକ ଗସ୍ତ କରି ଏହି କାର୍ଯ୍ୟକ୍ରମ ରେ ଯୋଗ ଦେଇ ଗୁମ୍ମା ବ୍ଲକ ଗୋଟେ ଆଦିବାସୀ ଅଧ୍ୟୟୁଷିତ ଅଞ୍ଚଳ ସେମାନଙ୍କ ଉନ୍ନତି ପାଇଁ ଆମେ ସବୁବେଳେ ସଚେତନ ରହିଛୁ ଏବଂ ଏହି ବ୍ଲକର ଅସମ୍ପୂର୍ଣ କାର୍ଯ୍ୟ ସବୁ ଖୁବ ଶୀଘ୍ର କରାଯିବ ବୋଲି କହିଥିଲେ. ଏହି କାର୍ଯ୍ୟକ୍ରମ ରେ ହାଇଟେକ ଅଧ୍ୟକ୍ଷ ତିରୁପତି ପାଣିଗ୍ରାହୀ,ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସ,ଜିଲ୍ଲା ପରିଷଦ ଅଧ୍ୟକ୍ଷ ଜି ତିରୁପତି ରାଓ, ବିଜେଡି ଦଳ ର ବରିଷ୍ଠ ସଦସ୍ୟ ପ୍ରଦୀପ ନାୟକ, ପୌର ପରିଷଦ ଅଧ୍ୟକ୍ଷା ନିର୍ମଳା ସେଠି ପ୍ରମୁଖ ଏହି ବନ୍ଧୁ ମିଳନ କାର୍ଯ୍ୟକ୍ରମ ରେ ଯୋଗ ଦେଇ ଦଳୀୟ କର୍ମୀଙ୍କୁ ଏକ ଭିନ୍ନ ବାର୍ତ୍ତା ଦେଇଛନ୍ତି.