ଏପଟେ ପୁଅର ବାହାଘର ଭୋଜି ପାଇଁ ପ୍ରସ୍ତୁତି, ସେପଟେ ବାପାର ଆତ୍ମହତ୍ୟା

ଏପଟେ ପୁଅର ବାହାଘର ଭୋଜି ପାଇଁ ପ୍ରସ୍ତୁତି, ସେପଟେ ବାପାର ଆତ୍ମହତ୍ୟା
ବୁଗୁଡ଼ା : ତା ୩୦/୦୬/୨୩ : ଏପଟେ ପୁଅର ବାହାଘର ଭୋଜି ପାଇଁ ପ୍ରସ୍ତୁତି ଚାଲିଥିବା ବେଳେ ସେପଟେ ଏକୁଟିଆ ଏକ ଭଡାଘରେ ରହୁଥିବା ବାପା ବେକରେ ରଶି ଲଗାଇ ଆତ୍ମହତ୍ୟା କରିଥିବା ଭଳି ଏକ ଘଟଣା ବୁଗୁଡା ଥାନା ବାଲିପଦର ଫାଣ୍ତି ଅଧିନସ୍ଥ କାନସୁକା ଗ୍ରାମରେ ଘଟିଛି । ମୃତକ ଜଣକ ହେଲେ କାନସୁକା ଗ୍ରାମର ଖଦାଳ ମହାରଣା(୫୬) । ଏ ନେଇ ପୋଲିସ କେସ୍ ନଂ୧୪/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରିଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ , ଆଜି ଖଦାଳଙ୍କ ପୁଅର ବାହାଘର ଭୋଜି ପାଇଁ ପ୍ରସ୍ତୁତି ଅନ୍ତରପଡାସ୍ଥିତ ଶାଙ୍କୁଳାଈ ପୀଠରେ ଚାଲିଥିଲା । ପୁଅ ବୁଲୁର ବିବାହକୁ ନେଇ ଅସନ୍ତୁଷ୍ଟ ଥିବା ବାପା ଖଦାଳ ନିୟନ୍ତ୍ରଣ ହରାଇ ଗତକାଲି ବିଳମ୍ବିତ ରାତିରେ ବେକରେ ରଶି ଲଗାଇ ଘରେ ଆତ୍ମହତ୍ୟା କରିବା ଭଳି ପଦକ୍ଷେପ ନେଇଥିଲେ । ଖବର ପାଇ ବାଲିପଦର ଫାଣ୍ଡି ଅଧିକାରୀ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରି ବ୍ଯବଚ୍ଛେଦ ପାଇଁ ପଠାଇବା ସହ ତଦନ୍ତ ପ୍ରକ୍ରିୟା ଜାରି ରଖିଥିବା ଜଣାଯାଇଛି ।