ବନ ବିଭାଗ ତରଫରୁ ନିଆଁ ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ
କୋଲନରା : ( ସଞ୍ଜୀବ କଣ୍ଡାଗରୀ ) ରାୟଗଡ଼ା ଜିଲ୍ଲା କୋଲନରା ବ୍ଲକ ମୁକୁନ୍ଦପୁର ବନାଞ୍ଚଳ ତ ତରଫରୁ ଆଜି ବାଙ୍କିଲି ଗ୍ରାମର ଇନ୍ଦିରା କୋଲନି ଠାରୁ ଉଚ୍ଚ ବିଦ୍ୟାଳୟ ବାଙ୍କିଲି ର ଛାତ୍ର ଛାତ୍ରୀ ମାନଙ୍କ ଦ୍ଵାରା ଜଙ୍ଗଲ ରେ ନିଆଁ ନିବାରଣ ସଚେତନତା କାର୍ଯ୍ୟକ୍ରମ କୁ ନାଚ ଗୀତ ଓ ହାତରେ ପ୍ଲାଗ କାର୍ଡ ମାଧ୍ୟମ ସହ ଏକ ମଟର ସାଇକଲ ରାଲି ଅନୁଷ୍ଠିତ ହୋଇଯାଇଛି । ମୁକୁନ୍ଦପୁର ବନ ଅଧିକାରୀ ବରଖା ରାଣୀ ପାତ୍ର ଓ ବାଙ୍କିଲି ଗ୍ରାମ ପଞ୍ଚାୟତ ସରପଞ୍ଚ କୁନି ମାଣ୍ଡାଙ୍ଗି ଙ୍କ ନେତୃତ୍ୱରେ ଆୟୋଜିତ ରାଲିରେ ଗୁଣୁପୁର ବନପାଳ ଗଙ୍ଗାଧର ମିଶ୍ର ମୂଖ୍ୟ ଅତିଥି ଭାଯେ ଯୋଗ ଦେଇ ରାଲିର ଶୁଭାରମ୍ଭ କରିଥିଲେ । ମଟର ସାଇକଲ ରାଲି ବାଙ୍କିଲି ମନ୍ଦିର ଠାରୁ ଆରମ୍ଭ କରି ଝୋରଡ଼ି ଗ୍ରାମ ପଞ୍ଚାୟତ ର ବିଭିନ୍ନ ଗାଁ ଗାଁ କୁ ଯାଇ ଲୋକଙ୍କୁ ଜଙ୍ଗଲରେ ନିଆଁ ନଲଗାଇବାକୁ ସଚେତନ କରିଥିଲେ । ଝୋରଡ଼ି ଗ୍ରାମ ପଞ୍ଚାୟତ, ରେଖାପଦର ଠାରୁ ମଟର ସାଇକେଲ ରାଲି ମୁକୁନ୍ଦପୁର ହାଟ ବଜାର କୁ ପହଞ୍ଚି ହାଟ ରେ କୁନି କୁନି ପିଲା ମାନଙ୍କ ସହ ଡାକ ବାଜି ଯନ୍ତ୍ର ମାଧ୍ୟମରେ ଜଙ୍ଗଲ ରେ ନିଆଁ ନ ଲଗେଇବା ପାଇଁ ସଚେତନ କରିଥିଲେ । ଉକ୍ତ କାର୍ଯ୍ୟକ୍ରମ ରେ ବନ ଅଧିକାରୀ ପଦ୍ମନାଭ ନୀଳଗିରି, ରଜନୀ ସାହୁ,ଗୁଣୁପୁର ରୁ ଆସିଥିବା ବନ ଅଧିକାରୀ ଏବଂ ଜଙ୍ଗଲ ସୁରକ୍ଷା ପାଇଁ ନିୟୋଜିତ ଥିବା ସୁପରଭାଇଜର ମାନେ ସହଯୋଗ କରିଥିଲେ ।
