ପ୍ରଫେସର ସୁନୀଲ କାନ୍ତ ବେହେରା ସ୍ମାରକୀ ବକୃତା ମାଳା..

27/12:(ଗୋପାଳପୁର)

ବ୍ରହ୍ମପୁର ବିଶ୍ୱବିଦ୍ୟାଳୟ, ଭଞ୍ଜବିହାରର ପ୍ରତିଷ୍ଠିତ ବିଭାଗ ସାମ୍ବାଦିକତା ଓ ଗଣଯୋଗାଯୋଗ ବିଭାଗର ସୁନାମଧନ୍ୟ ଶିକ୍ଷକ ପ୍ରଫେସର ସୁନୀଲ କାନ୍ତ ବେହେରାଙ୍କ ଦ୍ୱିତୀୟ ଶ୍ରାଦ୍ଧବାର୍ଷିକୀ ଉପଲକ୍ଷେ ଏକ ଶ୍ରଦ୍ଧାଞ୍ଜଳି ସଭା ଓ ସ୍ମୃତିଚାରଣ ବକୃତା ମାଳା କୁଳପତି ପ୍ରଫେସର ଗୀତାଞ୍ଜଳି ଦାସଙ୍କ ମୁଖ୍ୟ ପୃଷ୍ଠପୋଷାକତା ଓ ବିଭାଗୀୟ ମୁଖ୍ୟ ବନ୍ଦିତା କୁମାରୀ ପଣ୍ଡାଙ୍କ ସଂଯୋଜନା କ୍ରମେ ଆୟୋଜିତ ହୋଇ ଯାଇଛି l ଉକ୍ତ ସଭାକାର୍ଯ୍ୟରେ ପ୍ରଫେସର ଅମୀୟ କୁମାର ପରିଛା ମୁଖ୍ୟ ବକ୍ତା ଭାବେ ଯୋଗଦେଇ ସ୍ବର୍ଗତ ବେହେରାଙ୍କ ଅମାୟିକ ଓ ଛାତ୍ର ବତ୍ସଳ ଗୁଣ ଉପରେ ଗୁରୁତ୍ୱାରୋପ କରିଥିଲେ l ପ୍ରଫେସର ଗଣେଶ ସେଠି, ଡ଼ଃ ନେହା ପାଣ୍ଡେ, ଅଗ୍ନି କୁମାର ବେହେରା, ସୌରଭ ପ୍ରକାଶ ସେଠ ପ୍ରମୁଖ ଯୋଗଦେଇ ସ୍ବର୍ଗତ ବେହେରାଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ l ଆଜିର ଏହି ସ୍ମୃତି ଚାରଣ ସଭାରେ ଦେଶର ବିଭିନ୍ନ ପ୍ରାନ୍ତରୁ ବହୁ ଶିକ୍ଷାବିତ୍ ଅନଲାଇନ ମାଧ୍ୟମରେ ଯୋଡି ହୋଇ ସ୍ବର୍ଗତ ସୁନୀଲ କାନ୍ତ ବେହେରାଙ୍କୁ ଯଥାମାନ୍ୟ ସମ୍ମାନ ପ୍ରଦାନ କରିଥିଲେ l