ସ୍ତ୍ରୀକୁ ମାଡ ମାରିବା ଅଭିଯୋଗରେ ସ୍ବାମୀ ଗିରଫ

ସ୍ତ୍ରୀକୁ ମାଡ ମାରିବା ଅଭିଯୋଗରେ ସ୍ବାମୀ ଗିରଫ
ବୁଗୁଡ଼ା : ତା ୨୯/୦୫/୨୩ : ବୁଗୁଡ଼ା ଥାନା କରଚୁଲି ଗ୍ରାମରେ ସ୍ତ୍ରୀକୁ ମାଡ ମାରିବା ଅଭିଯୋଗରେ ସ୍ବାମୀକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଏ ନେଇ ବୁଗୁଡା ଥାନାରେ କେସ୍ ନଂ ୩୫୨/୨୩ ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ, କରଚୁଲି ଗ୍ରାମର କୁନା ଡାକୁଆ (୪୧) ତା’ର ସ୍ତ୍ରୀ ସୁଚିତ୍ରା ଡାକୁଆଙ୍କୁ ଗତ ରବିବାର ଦିନ ମାରଧର କରିବା ସହ ତଣ୍ଟି ଚିପି ମାରି ଦେବାକୁ ଉଦ୍ଯମ କରିଥିବା ନେଇ ଥାନାରେ ଅଭିଯୋଗ ହୋଇଥିଲା ।