ବାହୁଡା ଉପଲକ୍ଷେ ସାଂସ୍କୃତିକ କାର୍ଯ୍ୟକ୍ରମ, ନଟିଆ କମେଡି ମୁଖ୍ୟ ଆକର୍ଷଣ 

ବୁଗୁଡ଼ା : ତା ୨୮/୦୬/୨୩ : ପବିତ୍ର ବାହୁଡା ଯାତ୍ରା ଅବସରରେ ସ୍ଥାନୀୟ ଏସକେ ଡ୍ଯାନ୍ସ ଏକାଡେମୀ ପକ୍ଷରୁ ଷ୍ଟେଟ୍ ବ୍ଯାଙ୍କ ନିକଟ ମୁଖ୍ୟ ସଡକଠାରେ ସିଜନ୍-୧ ଡ୍ଯାନ୍ସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଉକ୍ତ କାର୍ଯ୍ୟକ୍ରମ ଅବସରରେ ଓଡିଶୀ ଓ ସମ୍ବଲପୁରୀ ସାଙ୍ଗକୁ ମଡର୍ଣ୍ଣ ଡ୍ଯାନ୍ସକୁ ଦର୍ଶକ ଉପଭୋଗ କରିଥିବା ବେଳେ ମୁଖ୍ୟ ଆକର୍ଷଣ ସାଜିଥିବା ସ୍ମୃତି ରଞ୍ଜନ ଓ କୁମାର ଗୌରବଙ୍କ ନଟିଆ କମେଡି ଲୋକଙ୍କୁ ହସାଇ ହସାଇ ବେଦମ୍ କରିଥିଲା। ଏହି କାର୍ଯ୍ୟକ୍ରମକୁ ପୋଲସରା ବିଧାୟକ ଶ୍ରୀକାନ୍ତ ସାହୁ ଉଦଘାଟନ କରିଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ଏନ୍ଏସି ନଗରପାଳ ଚିତ୍ରସେନ ପ୍ରଧାନ , ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ, କେ.ତ୍ରିଲୋଚନ ଦୋରା ପ୍ରମୁଖଙ୍କ ସମେତ କେତେକ କାଉନସିଲର ଯୋଗ ଦେଇ କଳାକାରଙ୍କୁ ଉତ୍ସାହିତ କରିଥିଲେ । ଉକ୍ତ କାର୍ଯ୍ୟକ୍ରମରେ ଉପସ୍ଥାପିକା ଭାବେ ରଶ୍ମି ଯୋଗ ଦେଇଥିବା ବେଳେ ଏହାକୁ ସୁଶାନ୍ତ ବେହେରା ଓ କ୍ରିଷ୍ଣା ମହାରଣା ପରିଚାଳନା କରିଥିଲେ ।