ମଦ ନିଶାରେ ମରଣାନ୍ତକ ଆକ୍ରମଣ ,୨ ଗୁରୁତର 

ମଦ ନିଶାରେ ମରଣାନ୍ତକ ଆକ୍ରମଣ ,୨ ଗୁରୁତର

ବୁଗୁଡ଼ା : ତା ୨୮/୦୫/୨୩ : ମଦ ନିଶାରେ ଭୁଲିଗଲେ ହିତାହିତ ଜ୍ଞାନ l ଶାବଳ ଧରି ଗୋଡ଼ାଇଲା ଆଉ ପ୍ରଥମେ ଜଣଙ୍କୁ ଆକ୍ରମଣ କରୁଥିବା ବେଳେ ଅନ୍ୟ ଜଣେ ମହିଳା ଏହାର ପ୍ରତିବାଦ କରିବାରୁ ତାଙ୍କୁ ମଧ୍ୟ ଆକ୍ରମଣ କରି ଲହୁ ଲୁହାଣ କରିଦେଲା ମଦ୍ୟପ l ଏମିତି ଘଟଣା ଘଟିଛି ବୁଗୁଡ଼ା ଥାନା ମାଣିତରା ପଞ୍ଚାୟତ ଅନ୍ତର୍ଗତ ଭୋଗଡା ଗାଁର ଖଦାଳ ସାହିରେ l ମଦ୍ୟପ ଯୁବକର ଆକ୍ରମଣରେ ସେହି ସାହିର ରାମ ନାୟକଙ୍କ ମୁଣ୍ଡ ଫାଟିବା ସହ ବାମ ହାତ ଭାଙ୍ଗି ଯାଇଥିବା ବେଳେ ବାସନ୍ତୀ ନାୟକଙ୍କ ଡାହାଣ କାନ୍ଧ, ଗୋଡ଼ ଓ ଜଙ୍ଘରେ ଗୁରୁତର ଆଘାତ ଲାଗିଥିବାରୁ ଉଭୟଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ସ୍ଥାନାନ୍ତର କରାଯାଇଛି l ଉଭୟ ରାମ ଓ ବାସନ୍ତୀଙ୍କ ଏତଲା କ୍ରମେ ପୋଲିସ ଯଥାକ୍ରମେ କେସ୍ ନଂ ୩୫୬/୨୩ ଓ ୩୫୭ /୨୩ରେ ଦୁଇଟି ପୃଥକ୍ ମାମଲା ରୁଜୁ କରି ଅଭିଯୁକ୍ତ ବାୟା ନାୟକକୁ ଗିରଫ କରି କୋର୍ଟ ଚାଲାଣ କରିଥିବା ନେଇ ଆଇଆଇସି ଚିତ୍ତ ରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି ।